“இயற்கையைப் படமாக்குவது தியானம்..” நேர்காணல்.. தமிழ் யுவர்ஸ்டோரி.காமில்..

இன்று 17 பிப்ரவரி 2016, தமிழ் யுவர் ஸ்டோரி.காமில் எனது நேர்காணல்.

நன்றி யெஸ். பாலபாரதி !

இணையம் பயன்படுத்தும் தமிழ்வாசகர்களிடம் மிகவும் அறிமுகமான பெயர் ராமலக்ஷ்மி. இவர் ஒரு பன்முகத்திறன் கொண்ட எழுத்தாளர். எழுத்தாளராகவும், நல்ல வாசகியாகவும் இருப்பது அவரது மொழியாளுமையைக் காட்டுகிறது என்றால் ஒரு புகைப்படக் கலைஞராக அவர் உருவாக்கும் படைப்புகள் அவரது காட்சி சார்ந்த நுன்ணுர்வைக் காட்டுகிறது. தான் கடந்துவந்த பாதையை நம்முடன் பகிர்ந்துகொள்கிறார்.

“..... இலக்கை நோக்கிய பயணமாக இல்லாமல் இயன்றவரை சிறப்பாகச் செய்யும் நோக்கத்துடன் பயணிக்கிறேன். ..." 

குழந்தைப்பருவம்

 “சிறுவயது அனுபவங்களால் கிடைக்கிற பக்குவம் வாழ்நாள் முழுவதும் துணை வருவதாக நம்புகிறேன். பிறந்து வளர்ந்தது திருநெல்வேலி சிந்துபூந்துறையில். உறவுகள் சூழ்ந்த கூட்டுக் குடும்பத்து நினைவுகள் அனைத்துமே பொக்கிஷங்கள். உடன் பிறந்தவர்கள் ஒரு அண்ணன், தம்பி, இரண்டு தங்கைகள். எனக்கு ஒன்பது வயதாக இருக்கையில் அப்பா விபத்தில் காலமாகி விட தாத்தாவின் அரவணைப்பில் வளர்ந்தோம். நான் கல்லூரி நுழைந்த சமயம், தாத்தா காலமானார். அதே வருடம் அண்ணனும் தவறியது ஆறாத ரணம். அதிலிருந்து அம்மா மீண்டு வர அவரது பெற்றோர் வசித்த பகுதிக்கு, எங்கள் கல்லூரிக்கு சற்று அருகே குடி பெயர்ந்தோம். பெண் பிள்ளைகளுக்கு படிப்பு எதற்கு, அடுத்தடுத்து திருமணம் செய்து வைத்து விடலாமே என உறவினர்கள் பலர் சொன்னபோது, உறுதியாக இருந்து எங்கள் மூவரையும் முதுகலைப் பட்டம் வாங்க வைத்தார் அம்மா.

 “உறவுகள் சூழ்ந்த கூட்டுக் குடும்பத்து நினைவுகள் அனைத்துமே பொக்கிஷங்கள். ”

பொருளாதார ரீதியான பிரச்சனைகள் பெரிதாக இருக்கவில்லை என்றாலும் அப்பாவின் மறைவுக்குப் பிறகு, எதிலும் அதிக ஆசை கூடாதெனச் சொல்லி வளர்த்தார் அம்மா. அதன்படி நாங்கள் நடந்து கொண்டதே தனக்குப் பெரிய பலமாக அமைந்ததென்று இப்போது அடிக்கடி குறிப்பிடுவார். அதனாலேயே எந்த உயர்வுகளையும் இயல்பாக எடுத்துக் கொண்டு தற்போது நாங்கள் கடந்து செல்வதாகவும் சொல்வார். எந்த பிரச்சனையும் பாஸிட்டிவாக அணுகவும் அவரிடமே கற்றோம்.

கல்லூரி மற்றும் திருமணம்

‘தென்றல்’ அமெரிக்க இதழில் அட்டைப்படக் கட்டுரையாக.. முனைவர். விஜயாலயனின் பறவைக் காதல்

K.S. விஜயாலயன். ஆஸ்திரேலியாவில் வசிக்கும் இலங்கைத் தமிழர். இவரது ஃப்ளிக்கர் பக்கத்தை கடந்த ஆறு ஆண்டுகளாகத் தொடர்ந்து வருகிறேன். இயற்கையோ, பறவைகளோ, இரவுக் காட்சிகளோ.. எந்த வகைப்படமானாலும் சரி. கலைநயத்துடன் மிளிரும் அவற்றில் தென்படும் நேர்த்தி எப்போதும் என் பாராட்டுக்குரியவையாக இருந்து வருகின்றன.

திறமையும் உழைப்பும் ஒருசேரக் கொண்ட இந்த இளைஞரின் கலைத் திறனைக் கெளரவிக்கும் விதமாக சாதனையாளராகச் சிறப்பித்து, இவரது ஒளிப்படப் பயணம் குறித்த எனது கட்டுரையை அட்டைப்படக் கட்டுரையாக வெளியிட்டிருக்கும் தென்றல் ஆசிரியர் குழுவினருக்கு நன்றி.

ஏப்ரல் 2015 இதழில் வெளியாகியிருக்கும் கீழ்வரும் இந்தக் கட்டுரையை

நன்றி தினகரன் வசந்தம்!

உங்கள் அன்பு, ஆதரவுடன் தொடருகிற இந்த ஒளிப்படப் பயணம்...
#

நேற்றைய தினகரன் வசந்தத்திலும்.. அனைவருக்கும் நன்றி!

#

நன்றி ப்ரியா!
#

குங்குமம் தோழியில்.. ஸ்டார் தோழியாக..

ஆகஸ்ட் 1-15, 2014 இதழில்..

#

#

கலையைக் கெளரவப்படுத்தும் மக்கள்! - கல்கி கேலரியில் நித்தி ஆனந்த்!

1 ஜூன் 2014, கல்கி இதழின் கேலரி பக்கத்தில்..

கலையைக் கெளரவப்படுத்தும் மக்கள்!

சிலைகளை ஆவணப்படுத்தும் கலை - கல்கி கேலரியில் லக்ஷ்மி

சித்திரக் கலைக்காகக் கையில் எடுத்த கேமராவை கீழே வைக்காமல், ஒளிப்படக் கலை மூலமாகத் தற்போது சிற்பக் கலையை ஆவணப்படுத்தி வருவது குறித்த லக்ஷ்மியின் பகிர்வு, படங்களுடன் 11 மே 2014 கல்கி கேலரியில்..

# பக்கம் 44

சிதம்பரம் நடராஜர் கோவில் யாளி, மயிலாப்பூர் ஸ்ரீனிவாசப் பெருமாள் கோவில் திருவாசி

#1 அனுமார் வாகனம்

பிரபல கணினி நிறுவனமொன்றில் கிராஃபிக் டிசைனராகப் பணியாற்றும் சரவணன், ஃபைன் ஆர்ட்ஸ் பட்டதாரி. கடந்த 4 வருடங்களாகச் சென்னையிலிருந்து வந்து பெங்களூர் சித்திரச் சந்தையில் கலந்து கொள்கிறார். ஒரே நாளில் பல ஓவிய ஆர்வலர்களைக் காண்பதும் அவர்களிடமிருந்து கிடைக்கும் பாராட்டும் தொடர்ந்து வரையும் உற்சாகத்தைத் தருவதாகச் சொல்கிறார்.

பள்ளி நாட்களில் இயல்பாக வரைந்த ஓவியங்களுக்குக் கிடைத்த பாராட்டுகள், ஓவியப் போட்டிகளில் பெற்ற வெற்றிகள், தன் ஆசிரியர் முரளிக்கிருஷ்ணனின் ஓவியத் திறமையின் மேல் ஏற்பட்ட ஈர்ப்பு இவையே ஆர்வத்தை வளர்த்து சென்னை ஓவியக் கல்லூரியில் சேர வைத்திருக்கிறது.

கல்லூரியில் சேர்ந்ததிலிருந்து பதினேழு வருடங்களாக வரைகிற இவர் அதற்கு முன்பும் ஏழு வருடங்கள் எந்தப் பயிற்சியுமின்றி தன்னார்வத்தில் வரைந்து பழகியபடி இருந்திருக்கிறார். தன் ஆர்வம் சார்ந்த படிப்பையே தேர்வு செய்த இவருக்கு கல்லூரியில் ஓவியத்தின் வெவ்வேறு பரிமாணங்களும் அறிமுகமாகியிருக்கின்றன.

சென்னை மயிலாப்பூர் கேசவப் பெருமாள் கோவில் திருவிழாவின் போது ஆலயத்தில் அமர்ந்தே தீட்டிய அனுமார் வாகன ஓவியத்தை (படம்: 1) இவர் வரைந்த அனுபவத்தைதான் கல்கி கேலரிக்காக நம்முடன் பகிர்ந்து கொண்டிருந்தார் இங்கே. எப்படி கருப்பு வெள்ளை கோவில் காட்சி ஓவியங்களில் ஆர்வம் ஏற்பட்டது என்பதையும் விளக்கியிருந்தார். சித்திரச் சந்தையில் இவர் காட்சிப்படுத்தியிருந்த மேலும் சில ஓவியங்கள் உங்கள் பார்வைக்காக இங்கே:

#2 மயிலாப்பூர் ஸ்ரீனிவாசப் பெருமாள் கோவிலில் வரைந்த திருவாசி

முரளிதரன் அழகர் - கல்கி கேலரியில்..

கடந்த நாலைந்து ஆண்டுகளாக முரளிதரன் அழகரின் ஃப்ளிக்கர் பக்கத்தைத் தொடர்ந்து வருகிறேன். ஒளிப்படக் கலை, ஓவியக் கலை இரண்டிலும் அசத்தி வருபவர். இன்று வெளியாகியுள்ள கல்கி இதழின், கேலரி பக்கத்திற்காக இரு துறைகளிலும் தனது திறனை வளர்த்துக் கொண்ட விதத்தையும், அனுபவங்களையும் அழகாகப் பகிர்ந்து கொண்டுள்ளார்:

பொக்கிஷத்தைக் காப்பதுதான் வேலை!  

தமிழ்ப் பறவை

#1

நீர் வண்ண ஓவியங்களில் அசத்தி வரும் பரணிராஜன் சத்தியமூர்த்திக்கு சொந்த ஊர் மதுரைக்குப் பக்கத்திலிருக்கும் உசிலம்பட்டி. ஓவிய ஆர்வம் துளிர் விட்டது சினிமாவினாலும், சினிமா கட்-அவுட்டுகளினாலும்தான் என்றது சுவாரஸ்யம். அவர் வரைந்த ஓவியங்களை இரசித்தபடியே அவரைப் பற்றித் தெரிந்து கொள்வோம்:)!

#2

சிறுவயதில் உசிலம்பட்டியில் இருந்து மாதமொருமுறை மதுரை செல்லும் போது, பெரியார் பஸ்ஸ்டாண்ட் பக்கம், 40-50 அடியில் காணக் கிடைத்த சினிமா கட்டவுட்களே ஓவியனாகும் ஆசையை இவருக்குள் விதைத்திருக்கிறது. ஆனாலும் அதற்கான பயிற்சி என்பது பள்ளி ஓவியப் போட்டிகளில் கலந்து கொள்கிற மட்டிலேயே நின்று போயிருந்திருக்கிறது. பொறியியல் படித்து முடிக்கும்வரை அதற்கென அதிக நேரம் செலவழிக்க முடியாது போனாலும்  பத்திரிக்கைகளில் வரும் மாருதி, ம.செ., ஜெ.., ராமு, அரஸ், ஷ்யாம் ஆகியோரின் ஓவியங்களை உள்வாங்கிக் கொண்டே இருந்திருக்கிறது இவரது ஓவிய ஆர்வம்.

#3

படிப்பை முடித்து பெங்களூரில் வேலைக்குச் சேர்ந்த பின்புதான், ஓவியக் கலையின் கதவு இவருக்குத் திறந்திருக்கிறது. பெங்களூரின் குளுமை, மக்களின் கலையார்வம் மேலும் தன்னைத் தூண்டியது எனத் தெரிவிக்கும் பரணி எப்படி தன்னைச் செதுக்கிக் கொண்டார் என்பதை விவரிக்கிறார்:

“அப்பாவும் மீன் போலத் தோன்றுவார்!” - கல்கி சித்திரைச் சிறப்பிதழில்.. புதுகை, சென்னை, பெங்களூர்.. ஓவியர் மூவர் அறிமுகம்

கலையைக் கொண்டாடும் முயற்சியாக கல்கி இதழ் ‘கல்கி கேலரி’ பகுதியில் திறமை வாய்ந்த ஓவியர்களையும் புகைப்படக் கலைஞர்களையும் உலகுக்கு அறிமுகப்படுத்தி வருகிறது. சித்திரைச் சிறப்பிதழாக மலர்ந்திருக்கும் இந்த வாரக் கல்கியில் பெங்களூர் சித்திரச் சந்தையில் நான் சந்தித்த மூன்று ஓவியர்கள் குறித்த அறிமுகம்:

உலக தண்ணீர் தினம்: நீர் சேமிப்பு.. நீருக்காகக் காத்திருப்பு.. - ஓவியங்கள் ஆறு

இன்று உலக தண்ணீர் தினம். வருடத்தில் ஓர் நாள் நீர் வளத்தைக்  காக்கவென அனுசரிக்கப்படும் இத்தினத்துக்காக என்றில்லாமல் கடந்த பதினைந்து வருடங்களாக (1999_லிருந்து) “நீர் சேமிப்பு, நீருக்கான காத்திருப்பு” (SAVE WATER, WAITING FOR WATER) இந்த இரண்டு கருக்களை மட்டுமே எடுத்துக் கொண்டு சுமார் நானூறு ஓவியங்களைப் படைத்திருக்கிறார், விவசாயக் குடும்பத்தைச் சேர்ந்த ஸ்ரீஷாய்ல் பாட்டில்.
#1

கர்நாடகாவின் குல்பர்கா மாவட்டத்தில் வசிக்கும் இவரை 2014 பெங்களூர் சித்திரச் சந்தையில் சந்திக்கும் வாய்ப்பு கிட்டியது

# 2

மற்ற மாநிலங்களை விட நீர் வளம் சொல்லிக் கொள்ளும்படியாக இருந்தாலும் கூட விவசாயிகள் மழை வராவிட்டால் பெரும் சிரமத்துக்குள்ளாகிறார்கள். இயற்கையை மதித்து, காடுகளை.. மரங்களை.. இருக்கும் நீர் வளங்களை.. நாம் காக்காமல் போனால் நீருக்காகக் காத்தே இருக்கும் நிலை வருமென்பதை மக்கள் மனதில் பதிய வைக்க வேண்டுமென்பதே தன் நோக்கம் என்கிறார்.
#3

பல பூக்களும் ஒரு சூரியனும் சில மனிதர்களும் - குங்குமம் தோழியில்.. வனிலா பாலாஜியின் ஒளிப்பட அனுபவங்கள்

ஒளியையும் நிழலையும் அழகாகக் கையாண்டு தன் படங்களுக்கென ஒரு ரசிகர் கூட்டத்தைக் கொண்டவர் வனிலா பாலாஜி. 16 நவம்பர் 2013 குங்குமம் தோழியின் “கண்கள்” பகுதிக்காக அவர் எனக்களித்த நேர்காணல்..

நன்றி குங்குமம் தோழி:)!

பல பூக்களும் ஒரு சூரியனும் சில மனிதர்களும்

# பக்கம் 56

செங்கல் சூளை சித்திரங்கள் - ‘கல்கி கேலரி’க்காக சரவணன் தண்டபாணியுடன் ஒரு நேர்காணல்

 67_ஆவது சுதந்திர தினத்தைக் கொண்டாடத் தயாராகி வருகிறது நாடு. சமீப ஆண்டுகளில் நாடு கண்டிருப்பது பெரும் வளர்ச்சி என்றே உவகையுடன் பேசப்படுகிறது. சர்வதேச தரத்துக்கு விமான நிலையங்கள், சாலைகள், பாலங்கள், ஐடி அலுவலகக் கட்டிடங்கள், வேலைவாய்ப்புகளால் நகரங்களில் கூடிக் கொண்டே போகும் மக்கள் தொகைக்கு ஈடு கொடுக்க முளைத்துக் கொண்டே இருக்கும் அடுக்குமாடிக் குடியிருப்புகள், Malls.. இவை யாவும் இப்படியான ஒரு மாயையை உருவாக்கி இருப்பதில் ஆச்சரியமென்ன?

வண்ணத்தில் பிரதிபலிக்கும் வாழ்வு - கல்கி கேலரியில்..

ஓவியர் செல்வியின் பேட்டி, நான் எடுத்த அவரது ஓவியங்களின் படங்களுடன் சென்ற வாரக் கல்கி கேலரியில்..

குமுதம் பெண்கள் மலரில்.. - பெண் மொழி பேசும் புகைப்படங்கள் - எனது பேட்டியுடன்..

இந்தவாரக் குமுதம் இதழுடன் மகளிர்தினச் சிறப்பு இணைப்பாக 128 பங்கங்களுடன் வெளிவந்திருக்கும் பெண்கள் மலரில்..

# பெண் மொழி பேசும் புகைப்படங்கள்: “அன்றாட வாழ்வில் சந்திக்க நேரும் ஒவ்வொரு சாதாரண பெண்ணின் முகத்திலும் ஒரு அசாதாரண உறுதியைப் பார்க்கிறேன். வாழ்க்கையை சவாலாக ஏற்றுக் கொள்ளும் போராட்டக் குணமும் அநாயசமாகக் கடந்து செல்கிற அவர்களது தைரியமும் போற்றுதலுக்குரியதாக இருக்கிறது. சமூகத்துக்கு நம்பிக்கை தரும் செய்தியாக, அந்த ஒளிமிகு முகங்களை புகைப்படங்களாகப் பதிவதில் விருப்பம் காட்டுகிறேன். அதே நேரம் படிப்பு வாசம் கிட்டாமல் உழைக்கும் குழந்தைகளை பார்க்கும்போது மனதில் வலி ஏற்படுகிறது. அப்படி இந்த சமூகம் சரி செய்ய வேண்டியவையவற்றையும் காட்சிப்படுத்தி வருகிறேன்...” 

 

சூரியனைக் கண்டாலே உற்சாகம் - குங்குமம் தோழியில்.. சுபா ஸ்ரீகுமாருடன் ஒரு கலந்துரையாடல்

 

ஒவ்வொருவருக்கு ஒவ்வொரு ரசனை. அது அவரவர் செயல்களிலும், ஈடுபடும் கலைகளிலும் பிரதிபலிக்கிறது. “புகைப்படக் கலையில் பல பிரிவுகள் இருந்தாலும், என்னை ஈர்ப்பது அழகுணர்ச்சியை வெளிப்படுத்தும் படங்களே. நான் எடுக்கும் படங்களில் ஒன்று கூட பார்ப்பவர் மனதை வாடச் செய்யவோ, சோக உணர்ச்சியை எழும்பும்படி இருக்கவோ கூடாது என்பதில் தனிக்கவனம் செலுத்துவேன்” என்கிற சுபா ஸ்ரீகுமாரின் உள் அரங்கு ஒளிப்படங்கள் எனக்கு மிகப் பிடித்தமானவை. மகிழ்ந்து மகிழ்விக்கும் கலைஞர் இவரின் ஒளிப்பட அனுபவங்களைக் கேட்கலாம் வாருங்கள், அவர் எடுத்த படங்களையும் ரசித்தபடி...

தினகரன் வசந்தத்தில்.. 'புகைப்படப் பிரியன்' மெர்வின் ஆன்டோ பேட்டி

மொபைல் போன் இருந்தால் ஹீரோ ஆகலாம்! :

அட்டைப்படக் கட்டுரையாக..

நன்றி தினகரன் வசந்தம்:)! 

 ***

மூன்றாவது கண்ணாகவேக் கேமராவைப் பாவித்து, தான் ரசித்த விஷயங்களை உலகோடு பகிரும் புகைப்படப் பிரியன் - மெர்வின் ஆன்டோ. நாகர்கோவில் தொழில் நுட்பக் கல்லூரியில் 20 ஆண்டுகளுக்கு முன் எலெக்ட்ரானிக்ஸ் படித்த கையோடு மனதுக்குப் பிடித்தப் புகைப்படத் தொழிலில் இறங்கியவர்.

“உனக்கு அம்மா பிடிக்குமா? அப்பா பிடிக்குமா? என்று கேட்பதை போல் என்னிடம் சிலர் கேட்பதுண்டு... ‘நிக்கான் கேமரா சிறந்ததா? கானன் காமெரா சிறந்ததா?’ என்று. நம் பார்வையில் இரண்டும் ஒன்றே. ஆனால், நாம் பழகும் விதத்தில்தான் இருக்கிறது வித்தை. நமக்குள்ளே புதைந்து கிடக்கும் க்ரியேடிவிட்டிக்கு எந்தக் கேமரா என்பது முக்கியமே இல்லை.”

_ மேலும் வாசியுங்கள்,  மெர்வின் எனக்கு அளித்த பேட்டியை..

அவர் எடுத்த அற்புதமான படங்களை ரசித்தபடி:)!

ஒரே ஒரு போட்டோவுக்கு எட்டு வாரம் - 'தினகரன் வசந்தம்' போட்டோகிராபி ஸ்பெஷலில்.. திரு. நடராஜன் கல்பட்டு

பெரியவர் திரு. நடராஜன் கல்பட்டு அவர்களுடனான எனது நேர்காணல் இன்றைய தினகரன் வசந்தம் இதழில்.., நன்றி வசந்தம்!

எட்டுவார முயற்சியில் எடுத்த படம்:

இவரது புகைப்பட அனுபவங்கள் தற்போது பாடப் பதிவுகளாக, ‘Legend Talks' எனும் கெளரவத்துடன் தொடராக ‘தமிழில் புகைப்படக்கலை-PiT' தளத்தில் வெளியாகி வருகின்றன. புகைப்பட ஆர்வலர்களுக்கு முன் உதாரணமாகத் திகழும் அவருக்கு நம் வணக்கங்கள்!

***

இதே இதழில் வெளியாகியுள்ள எனது இன்னொரு கட்டுரையை வாசிக்க:
தமிழில் புகைப்படக்கலை (PiT) - உலக ஒளிப்பட தினத்தில்..

***

குங்குமம் தோழியில் எனது பேட்டி: ‘ஆர்வமும் தேடலும் அழகான படம் தரும்’

இன்று வெளியாகியுள்ள ஆகஸ்ட் 2012 இதழின்
நடுப்பக்கத்தில்.., ‘கலை’ பிரிவில்..

நன்றி குங்குமம் தோழி!
***

எனது படங்களை ரசித்து உற்சாகம் அளித்து வரும் Flickr, FB, பதிவுலக நண்பர்களுக்கும், ஆர்வத்துக்கு அடித்தளமாக அமைந்த PiT மற்றும் அதன் உறுப்பினர்களுக்கும் நன்றி நன்றி:)!

***

---

தினகரன் இணையதளத்திலும், நாளிதழிலும்..

தமிழ்முரசில்..

நன்றி தோழி:)!

எல்லாம் மகள் மயம் - 'கல்கி' ஆர்ட் கேலரியில் ஓவியர் மாரியப்பன்

‘பெங்களூரு சித்திரச் சந்தை 2012’_ல் ஓவியக் கலைஞர் மாரியப்பன் குறித்துப் பகிர்ந்திருந்தேன். கல்கி ஆர்ட் கேலரிக்காக அவர் அளித்த பேட்டி மேலும் சில ஓவியங்களுடன்:

ஓவியரின் கலைத் திறனை பலரிடம் கொண்டு சேர்த்திருக்கும் கல்கிக்கு நன்றி!

8 ஜூலை 2012

சித்திரச்சந்தை பதிவில் அப்பாத்துரை அவர்கள் ஓவியரின் அலைபேசி எண் கிடைக்குமா எனக் கேட்டிருந்தார். தேவைப்படுகிறவர்களுக்கு பயனாகும் வகையில் தொடர்பு விவரங்களைப் பகிர்ந்து கொண்டுள்ளேன் அவரது அனுமதியோடு.

மின்னஞ்சல் முகவரி:
"Mariappan V"
mariappanart@gmail.com

தொடர்பு எண்கள்:
09159679904 / 09489819904

ஓவியர் மாரியப்பன் அவர்களுக்கு நமது வாழ்த்துகள்!

***