முத்துச்சரம்: குமுதம் பெண்கள் மலரில்.. - பெண் மொழி பேசும் புகைப்படங்கள்

வெள்ளி, 8 மார்ச், 2013

குமுதம் பெண்கள் மலரில்.. - பெண் மொழி பேசும் புகைப்படங்கள் - எனது பேட்டியுடன்..

இந்தவாரக் குமுதம் இதழுடன் மகளிர்தினச் சிறப்பு இணைப்பாக 128 பங்கங்களுடன் வெளிவந்திருக்கும் பெண்கள் மலரில்..

# பெண் மொழி பேசும் புகைப்படங்கள்: “அன்றாட வாழ்வில் சந்திக்க நேரும் ஒவ்வொரு சாதாரண பெண்ணின் முகத்திலும் ஒரு அசாதாரண உறுதியைப் பார்க்கிறேன். வாழ்க்கையை சவாலாக ஏற்றுக் கொள்ளும் போராட்டக் குணமும் அநாயசமாகக் கடந்து செல்கிற அவர்களது தைரியமும் போற்றுதலுக்குரியதாக இருக்கிறது. சமூகத்துக்கு நம்பிக்கை தரும் செய்தியாக, அந்த ஒளிமிகு முகங்களை புகைப்படங்களாகப் பதிவதில் விருப்பம் காட்டுகிறேன். அதே நேரம் படிப்பு வாசம் கிட்டாமல் உழைக்கும் குழந்தைகளை பார்க்கும்போது மனதில் வலி ஏற்படுகிறது. அப்படி இந்த சமூகம் சரி செய்ய வேண்டியவையவற்றையும் காட்சிப்படுத்தி வருகிறேன்...”

[தேவைப்பட்டால் ctrl மற்றும் +, keys ஒருசேர அழுத்தி பக்கத்தைப் பெரிது செய்து வாசிக்கலாம். மீண்டும் பழைய அளவுக்குக் கொண்டுவர ctrl மற்றும் - keys உபயோகிக்கவும்.]

# “தில்லியைச் சேர்ந்த ‘மேப் மை இன்டியா’ (Mapmyindia) நிறுவனம், தான் தயாரித்த பெங்களூர் சுற்றுலா வழிகாட்டிப் புத்தகத்துக்காக லால்பாக் கண்காட்சியில் படமாக்கிய, (இரண்டு இலட்சம் சம்பங்கி மலர்கள், 75 ஆயிரம் வெள்ளை ரோஜாக்கள், 10 ஆயிரம் நந்தியாவட்டைகள் கொண்டு 22 அடி உயரம் 36 அடி அகலத்தில் உருவான) தில்லி தாமரைக் கோவில் மலர் அலங்காரப் படங்களை ஃப்ளிக்கர் வழியாகக் கேட்டு வாங்கியிருக்கிறது...”

# “வந்தது டிஜிட்டல் புரட்சி..”

“டி.எஸ்.எல்.ஆர் கேமரா இருந்தால்தான் நல்ல படங்களை எடுக்க முடியும் என்பதில்லை. ‘‘It's not the brush, it's the Painter' என்பார்கள். அவரவர் ரசனை, கேமரா பார்வை, அமைக்கும் கோணம், எடுக்கும் திறனுமே நல்ல புகைப்படங்களாக உருமாறும். நான் சாதாரண கேமராவில் எடுத்த பல படங்கள் நல்ல பாராட்டைப் பெற்றிருக்கின்றன. மேக் மை ட்ரிப் டாட் காம் உபயோகிக்கும் எனது படம் கூட சாதாரண கேமராவில் எடுத்ததுதான். இப்போதும் சின்ன சின்ன வேலைகளுக்கு வெளியே செல்லும்போது கூடவே எடுத்தச் செல்ல எளிதாக இருக்கிற சாதாரண கேமராவைத்தான் உபயோகிக்கிறேன். எந்தக் கேமராவானாலும் அதில் இருக்கிற அனைத்துப் பயன்பாடுகளையும் சரிவரத் தெரிந்து கொள்வது மிக அவசியம்...”