கோடை என்றாலே மின் தடையும் அக்னி நட்சத்திரமும் அனல் வெயிலுமே மனதில் வந்து மருள வைக்க, குழந்தைகளுக்கோ அதுவே மான் குட்டிகளாகத் துள்ளித் திரியக் கிடைத்த சுகமான பருவகாலமாக இருக்கிறது.
பள்ளி நாட்களில் பரபரப்பாக புத்தக மூட்டைகளுடன் கிளம்பிச் சென்று மாலையில் வாடிவதங்கிய மலர்களாகத் திரும்பும் அரும்புகளின் முகங்களில் இந்த இரண்டு மாத விடுமுறைதான் எத்தனை குளிர்ச்சியையும் ஆனந்தத்தையும் கொண்டு வருகின்றன!!!
#1 பூவொன்று கண்டேன்..
![](https://blogger.googleusercontent.com/img/b/R29vZ2xl/AVvXsEjYIDrVriif_2MJtS6-YlCVJ3ebUoleT5IgCNCJhaDC8vxtLhgLe31T_qEzMgZK31k4Oz-guCflF6uJSfUW7tyI-jjqof1nc8SJVEZ_ucmaJT1MlZOJNl2ywde0exe7ECWBY_GTBGRcdKUt/s500/GIRL.jpg)
#2 இரட்டைச் சடை நிலவுகள்
![](https://blogger.googleusercontent.com/img/b/R29vZ2xl/AVvXsEiRteE7ZEKQVBOvbnTDmagecb943cIB6CRu_q470YMMlDCgDSSbqNwnD5gXgaHhtrUHEUmfkbqy9sSKi9EZw7DAW984JLupYvJir_dRYWDDkgM_MDfsXt5uCLKSj25-vlzDjgQ5Oz8IDd65/s500/girls1.JPG)
#3 கூல்.../ CoooooooooooooL
![](https://blogger.googleusercontent.com/img/b/R29vZ2xl/AVvXsEhMrEViJCjoOk8mGkOwVyj9_VqpK8zTQkqMYNUQlQuSr3nVxA2yLUh16LMhzLld6L6bEu7PkCUfY41re1LIGSAUmZ6tRjLoeYpLLCLupzz_HeRznj57M3lrYN3oPSTtzn3rxRZQRlY6YdXu/s500/boy+with+ice+cream1.jpg)
தொலைக்காட்சியிலும் கணினியிலும் தொலைந்து போயிடாமல் ஒன்று கூடி ஓடியாடி மகிழும் குழந்தைகளின் சத்தம் குயில்களின் கூவலாக ஒவ்வொரு குடியிருப்பிலிருந்தும் ஒலித்தபடி இருக்கிறது. எந்தப் பக்கம் எப்போது சூரியன் கடையை விரிப்பார் எனத் தெரிந்து வைத்து அதற்கேற்ப கட்டிடங்களுக்கு நடுவே நிழலான இடமாகப் பார்த்து அடிக்கடி ஜாகையை மாற்றியும் கொள்கிறார்கள்.
#4 ஆடுவோமே..
![](https://blogger.googleusercontent.com/img/b/R29vZ2xl/AVvXsEhbEYwCZJPeSaURLGNFaiOz-jMYcyGMYoZEBDGWvRQLnxfJLBrFJ2lRl578qXyyp4iYKMBj9MGjkJgF-kwfdkFAc20ABUwUt33yrqBXkHxJyx6SZmvOFBsGXXS9BDwrMFqf1lDp_x6_kQKy/s400/TEMP.jpg)
சின்ன சின்னக் குழுக்களாக தென்படும் இவர்கள் சிலநேரங்களில் கட்டிடத்தின் அகன்ற படிக்கட்டுகளில் மொத்தமாக முப்பது நாற்பது பேராகக் கொலுப்பொம்மைகளைப் போல் அமர்ந்து அளவளாவிக் கொண்டிருப்பதைக் காணக் கண் கோடி வேண்டும். வாட்டர் பாட்டில்கள், பந்துகள், மட்டைகள், பொம்மைகள் போன்றனவும் இறைந்து கிடக்கப் போவார் வருவோருக்கு ஒரு ஒற்றையடிப் பாதை விட்டிருப்பார்கள்:)!
நம்ம காலமும் நினைவுக்கு வருகிறது. கூட்டுக் குடும்பமாக இதே போல நாளெல்லாம் ஆட்டம் போட்ட விடுமுறை நாட்கள். கேரம், சைனீஸ் செக்கர்ஸ், தாயம், சதுரங்கம், மோனோபொலி, ட்ரேட், ஹாக்கி, கில்லி(அண்ணன்களுக்கு நிகரா ஆடுவோமே), ஷட்டில், கல்லா மண்ணா, கண்ணாமூச்சி, கலர் கலர் வாட் கலர்.. இன்னும் இருக்கு இப்படி நிறைய:)!
[பெயர் மறந்து விட்டது. பலகை எங்கும் சிறிய ஆணிகளால் அரைவட்டத்தில் அமைந்த குழிகள் பாயின்டுகளுடன் காத்திருக்கும். ஓரத்திலிருக்கும் பாதை வழியே கோலிக் குண்டை பலமாகச் சுண்டி விட்டு குழிகளில் விழ வைக்க வேண்டும். அதிக பாயிண்ட் தரும் குழிகளில் விழ வைப்பதில் இருக்கிறது சாமர்த்தியம். படம்: தந்தை எடுத்தது.]
#5 வல்லவனுக்கு..
![](https://blogger.googleusercontent.com/img/b/R29vZ2xl/AVvXsEj4uYXAQo62t5njrJnONZT9iuiOC7QZFTDTotsuL5a_ZU6jtel9If2tv0Nl2BnC7TATeakftPBZJPoUn4BFOMWvqGU4RYoz3WUxRbHZ4MAJZwmwK8pixWxuCym1OCFze4rvG28UAWW_61u9/s500/BOY1.jpg)
கூட்டுக் குடும்ப வழக்கங்கள் மறைந்து விட்ட இந்நாளில் குடியிருப்புகள் ஓரளவு குழந்தைகளுக்கு அந்தச் சூழலை நல்கித் தாமாகவே விட்டுக் கொடுத்தல், பகிருதல் போன்ற நல்ல பழக்கங்களைக் கற்றிட வழிவகுக்கின்றன என்றே சொல்ல வேண்டும்.
இதோ முடிகிறது கோடை விடுமுறை. சர் சர்ரென வந்து நிற்கிற பள்ளி வேன்கள் அள்ளிக் கொண்டு போய் விடும் குழந்தைகளை. இனி ஆளற்ற நீச்சல் குளத்தில் தனியாக நீந்திக் கொண்டிருக்கும் சூரியன். பூங்காவின் பேரமைதி ஏற்படுத்துகிற வெறுமையில் நடுங்கிக் காற்றிடம் கெஞ்சக் கூடும் ஊஞ்சல்கள் கொஞ்சம் ஆட்டிவிடச் சொல்லி. குழந்தைகளின் பெருங்கூச்சலுக்குத் தொடக்கத்தில் பதறிப் படபடத்த புறாக்கள் இப்போது எங்கே அவர்கள் எனக் குழப்பத்துடன் குடியிருப்பைச் சுற்றிச் சுற்றி வரக் கூடும்.
பயணங்கள், விருந்தினர் வருகை, ருசித்து ரசித்துச் சாப்பாடு, நல்ல ஆட்டம், நல்ல தூக்கம் எல்லாம் தந்த நீண்ட விடுமுறைக்கு இன்னும் முழுதாக ஓராண்டு காத்திருக்க வேண்டுமே என்றொரு ஒரு மெல்லிய சோகத்துடனே ஆரம்பமாகும் புதிய கல்வியாண்டு. ஆனாலும் புதிய வகுப்பறை, புதிய புத்தகங்கள், புதிய நண்பர்கள், புதிய ஆசிரியர்கள் எனப் பொங்கும் உற்சாகத்துடன் விரைவில் சூழலுடன் பொருந்திப் போய் விடுவார்கள் குழந்தைகள்! வரும் கல்வி ஆண்டு சிறப்பாக அமைய ஒவ்வொரு குழந்தையையும் வாழ்த்துவோம்!
#6 சாதிக்கப் பிறந்தவள்
![](https://blogger.googleusercontent.com/img/b/R29vZ2xl/AVvXsEiv-ynLft6iCkplVUYlPYgZ519hEGN08TLc4OdOIlI4rspzDYg028LeWxuWXFFXLu9N8J7bIy17t0KazNHy-GFNxlVLn9kIycqMNR1rP-4jQxij4OMZ7gFK422KPk9BVBCvIxd6HKYXKvRY/s500/Confident+Girl.jpg)
பள்ளி நாட்களில் பரபரப்பாக புத்தக மூட்டைகளுடன் கிளம்பிச் சென்று மாலையில் வாடிவதங்கிய மலர்களாகத் திரும்பும் அரும்புகளின் முகங்களில் இந்த இரண்டு மாத விடுமுறைதான் எத்தனை குளிர்ச்சியையும் ஆனந்தத்தையும் கொண்டு வருகின்றன!!!
#1 பூவொன்று கண்டேன்..
![](https://blogger.googleusercontent.com/img/b/R29vZ2xl/AVvXsEjYIDrVriif_2MJtS6-YlCVJ3ebUoleT5IgCNCJhaDC8vxtLhgLe31T_qEzMgZK31k4Oz-guCflF6uJSfUW7tyI-jjqof1nc8SJVEZ_ucmaJT1MlZOJNl2ywde0exe7ECWBY_GTBGRcdKUt/s500/GIRL.jpg)
#2 இரட்டைச் சடை நிலவுகள்
#3 கூல்.../ CoooooooooooooL
![](https://blogger.googleusercontent.com/img/b/R29vZ2xl/AVvXsEhMrEViJCjoOk8mGkOwVyj9_VqpK8zTQkqMYNUQlQuSr3nVxA2yLUh16LMhzLld6L6bEu7PkCUfY41re1LIGSAUmZ6tRjLoeYpLLCLupzz_HeRznj57M3lrYN3oPSTtzn3rxRZQRlY6YdXu/s500/boy+with+ice+cream1.jpg)
தொலைக்காட்சியிலும் கணினியிலும் தொலைந்து போயிடாமல் ஒன்று கூடி ஓடியாடி மகிழும் குழந்தைகளின் சத்தம் குயில்களின் கூவலாக ஒவ்வொரு குடியிருப்பிலிருந்தும் ஒலித்தபடி இருக்கிறது. எந்தப் பக்கம் எப்போது சூரியன் கடையை விரிப்பார் எனத் தெரிந்து வைத்து அதற்கேற்ப கட்டிடங்களுக்கு நடுவே நிழலான இடமாகப் பார்த்து அடிக்கடி ஜாகையை மாற்றியும் கொள்கிறார்கள்.
#4 ஆடுவோமே..
![](https://blogger.googleusercontent.com/img/b/R29vZ2xl/AVvXsEhbEYwCZJPeSaURLGNFaiOz-jMYcyGMYoZEBDGWvRQLnxfJLBrFJ2lRl578qXyyp4iYKMBj9MGjkJgF-kwfdkFAc20ABUwUt33yrqBXkHxJyx6SZmvOFBsGXXS9BDwrMFqf1lDp_x6_kQKy/s400/TEMP.jpg)
சின்ன சின்னக் குழுக்களாக தென்படும் இவர்கள் சிலநேரங்களில் கட்டிடத்தின் அகன்ற படிக்கட்டுகளில் மொத்தமாக முப்பது நாற்பது பேராகக் கொலுப்பொம்மைகளைப் போல் அமர்ந்து அளவளாவிக் கொண்டிருப்பதைக் காணக் கண் கோடி வேண்டும். வாட்டர் பாட்டில்கள், பந்துகள், மட்டைகள், பொம்மைகள் போன்றனவும் இறைந்து கிடக்கப் போவார் வருவோருக்கு ஒரு ஒற்றையடிப் பாதை விட்டிருப்பார்கள்:)!
நம்ம காலமும் நினைவுக்கு வருகிறது. கூட்டுக் குடும்பமாக இதே போல நாளெல்லாம் ஆட்டம் போட்ட விடுமுறை நாட்கள். கேரம், சைனீஸ் செக்கர்ஸ், தாயம், சதுரங்கம், மோனோபொலி, ட்ரேட், ஹாக்கி, கில்லி(அண்ணன்களுக்கு நிகரா ஆடுவோமே), ஷட்டில், கல்லா மண்ணா, கண்ணாமூச்சி, கலர் கலர் வாட் கலர்.. இன்னும் இருக்கு இப்படி நிறைய:)!
![](https://blogger.googleusercontent.com/img/b/R29vZ2xl/AVvXsEg1uJkw07cCaBDcxQAhq41BdhWawN5pJPICyn2pei41hPsjP-uOo62pRhzGy-3ZzShMhZ9mzmRV4aYb8_3LG8DVw6uXb9CvBnsByVMt5sNlchBQJKxfJP2KmlMzlSvbk-WYNxOMELadRw9-/s300/thinnai-game_f.jpg)
#5 வல்லவனுக்கு..
![](https://blogger.googleusercontent.com/img/b/R29vZ2xl/AVvXsEj4uYXAQo62t5njrJnONZT9iuiOC7QZFTDTotsuL5a_ZU6jtel9If2tv0Nl2BnC7TATeakftPBZJPoUn4BFOMWvqGU4RYoz3WUxRbHZ4MAJZwmwK8pixWxuCym1OCFze4rvG28UAWW_61u9/s500/BOY1.jpg)
கூட்டுக் குடும்ப வழக்கங்கள் மறைந்து விட்ட இந்நாளில் குடியிருப்புகள் ஓரளவு குழந்தைகளுக்கு அந்தச் சூழலை நல்கித் தாமாகவே விட்டுக் கொடுத்தல், பகிருதல் போன்ற நல்ல பழக்கங்களைக் கற்றிட வழிவகுக்கின்றன என்றே சொல்ல வேண்டும்.
இதோ முடிகிறது கோடை விடுமுறை. சர் சர்ரென வந்து நிற்கிற பள்ளி வேன்கள் அள்ளிக் கொண்டு போய் விடும் குழந்தைகளை. இனி ஆளற்ற நீச்சல் குளத்தில் தனியாக நீந்திக் கொண்டிருக்கும் சூரியன். பூங்காவின் பேரமைதி ஏற்படுத்துகிற வெறுமையில் நடுங்கிக் காற்றிடம் கெஞ்சக் கூடும் ஊஞ்சல்கள் கொஞ்சம் ஆட்டிவிடச் சொல்லி. குழந்தைகளின் பெருங்கூச்சலுக்குத் தொடக்கத்தில் பதறிப் படபடத்த புறாக்கள் இப்போது எங்கே அவர்கள் எனக் குழப்பத்துடன் குடியிருப்பைச் சுற்றிச் சுற்றி வரக் கூடும்.
பயணங்கள், விருந்தினர் வருகை, ருசித்து ரசித்துச் சாப்பாடு, நல்ல ஆட்டம், நல்ல தூக்கம் எல்லாம் தந்த நீண்ட விடுமுறைக்கு இன்னும் முழுதாக ஓராண்டு காத்திருக்க வேண்டுமே என்றொரு ஒரு மெல்லிய சோகத்துடனே ஆரம்பமாகும் புதிய கல்வியாண்டு. ஆனாலும் புதிய வகுப்பறை, புதிய புத்தகங்கள், புதிய நண்பர்கள், புதிய ஆசிரியர்கள் எனப் பொங்கும் உற்சாகத்துடன் விரைவில் சூழலுடன் பொருந்திப் போய் விடுவார்கள் குழந்தைகள்! வரும் கல்வி ஆண்டு சிறப்பாக அமைய ஒவ்வொரு குழந்தையையும் வாழ்த்துவோம்!
#6 சாதிக்கப் பிறந்தவள்
![](https://blogger.googleusercontent.com/img/b/R29vZ2xl/AVvXsEiv-ynLft6iCkplVUYlPYgZ519hEGN08TLc4OdOIlI4rspzDYg028LeWxuWXFFXLu9N8J7bIy17t0KazNHy-GFNxlVLn9kIycqMNR1rP-4jQxij4OMZ7gFK422KPk9BVBCvIxd6HKYXKvRY/s500/Confident+Girl.jpg)
***