என் வீட்டுத் தோட்டத்தில்.. - பாகம்: 126
#1
அக்காக் குயில் இந்திய துணைக் கண்டங்களில் காணப்படும், நடுத்தர அளவிலான பறவை. குயில் இனத்தைச் சேர்ந்த இப்பறவை தோற்றத்தில் வல்லூறுவைப் போல் இருக்கும் என்பது உண்மை. நானும் இதனை இளம் வல்லூறு என எண்ணியே படம் எடுத்தேன். ஓரிரு கணங்களே காட்சி தந்து விட்டுப் பறந்து விட்ட படியால் நன்றாகப் பார்க்க முடியவில்லை. (தெளிவாகப் படமாக்கவும் முடியவில்லை.) பின்னர் எடுத்த படத்தை உற்று நோக்கிய போது வல்லூறுவைப் போலக் கண்கள் மஞ்சளாக இல்லையே எனத் தோன்றியது. கண்களைச் சுற்றிக் காணப்பட்ட அந்த மஞ்சள் வளையமும் வித்தியாசமாகப் பட்டது. இணையத்தில் தேடியதில் இது அக்காக் குயில் (அல்லது அக்காக் குருவி) எனத் தெரிய வந்தது.
#2
மற்ற பல குயில் இனங்களைப் போல இவையும் தம் முட்டைகளைப் காக்கை அல்லது தவிட்டுக்குருவி போன்ற பிற பறவைகளின் கூடுகளில் இடுகின்றன. மனிதர்கள் வசிக்கும் பகுதிகளிலுள்ள மரங்களில் வாழும் என்றாலும் அத்தனை எளிதில் தென்பட்டு விடாது.
என் வீட்டுத் தோட்டத்தில்.. - பாகம்: 120
