குறிப்பேடு 2025 - தூறல்: 48

 #

எனது ஃப்ளிக்கர் பட ஓடை (My Flickr Photostream) :

ஃப்ளிக்கர் தளத்தில் டிசம்பர் 30 வரையிலும் 435 படங்கள் பதிவேற்றம் ஆகி, அன்றன்றையப் படங்களுடன், பழைய படங்களுக்கும் ஆல்பங்களுக்குமான வருகைகளும் சேர்க்கப்பட்டு 2025_ல் 921995 பக்கப் பார்வைகளைப் பெற்றுள்ளதாகக் காட்டுகிறது ஃப்ளிக்கர் புள்ளி விவரம். 

2025_ஆம் ஆண்டுப் படங்கள் தொகுக்கப்பட்ட தனி ஆல்பத்தின் இணைப்பு இங்கே: https://www.flickr.com/photos/ramalakshmi_rajan/albums/72177720322899258/ 

17 ஆண்டு ஃப்ளிக்கர் பயணத்தில், இந்த ஆண்டின் இறுதியில் எழுபத்து எட்டு இலட்சத்து இருபதாயிரம் பக்கப் பார்வைகளுடன், 5510 படங்கள் நிறைவு செய்துள்ளேன். 

சென்ற வருடத்தைய புள்ளி விவரம் இங்கே.

தொழில் நுட்பப் பிரச்சனையால் ஏப்ரல் தவிர்த்து மாதாமாதம் ஃப்ளிக்கர் தளம் மின்னஞ்சலில் அனுப்பி வைத்த புள்ளி விவரங்கள் எனது சேமிப்புக்காகவும் இங்கே:

#ஜனவரி

#பிப்ரவரி

#மார்ச்

#மே

#ஜூன்

#ஜூலை

#ஆகஸ்ட்

#செப்டம்பர்

#அக்டோபர்

#நவம்பர்

#டிசம்பர்

இரண்டு கேலரிகளில் "Cover Photo"_வாக கெளரவிக்கப்பட்ட படங்கள்:

#ஆகஸ்டில்..

#செப்டம்பரில்..

மார்ச் மாதத்தில், எழுத்தாளரும், ‘நமது மண்வாசம்’ மாத இதழின் ஆசிரியருமான ப. திருமலை அவர்களின் 60_ஆவது நூலின் முகப்பு அட்டையாக நான் எடுத்த ஒளிப்படம்.. இங்கே. 

வருகிற ஆண்டிலும், பொங்கல் வெளியீடாக, 3-வது முறையாக, அவரது நூலின் முகப்பு அட்டையாக எனது ஒளிப்படம் இடம் பெற உள்ளது என்பது கூடுதல் தகவல்!

இடைவெளியின்றி, ஆர்வம் குன்றாமல் இப்பயணம் தொடர்வது மனதுக்கு நிறைவாகவே உள்ளது.

இந்தப் பயணத்துக்கு உறுதுணையாக மற்றுமோர் கருவி புதிதாக உடன் இணைகிறது. எப்போதும் இரு கேமராக்கள் தேவைப்படுகிற சூழலில் 2010_ல் வாங்கிய Nikon D5000 (cropped sensor) கேமரா 14 ஆண்டு காலம் திறம்பட உழைத்த பின், சென்ற வருடம் தன் சேவையை நிறுத்திக் கொண்டது. இடையே 2017_ல் வாங்கிய Nikon D750 (Full frame) கேமராவுடன் தற்போது புதிதாக இணைகிறது Nikon Z5 II Mirrorless Full frame கேமரா. மிரர்லெஸ் தொழில்நுட்பத்தையும் அறிந்து ஆராய்ந்து அனுபவிக்க வேண்டும் இல்லையா:)? அதில் எடுக்கும் படங்களுடனும் 2026_ன் ஒளிப்பட பயணம் தொடரும்.

முத்துச்சரம்:

2025_ஆம் ஆண்டில் மாதம் சராசரியாக 5 பதிவுகள் தர முடிந்திருப்பதே ஆச்சரியம் :). சமீப வருடங்களாக அதிக அளவில் தந்து கொண்டிருந்த ஞாயிறு-வாழ்வியல் சிந்தனைகள் படத் தொகுப்பு இந்த முறை 13 பதிவுகளே. ஹைதராபாத், இன்னும் தொடர்ந்து கொண்டிருக்கும் மைசூர் பயணப் பதிவுகள், உயிரியல் பூங்காவில் படமாக்கிய விலங்குகள்-பறவைகளின் படங்கள் தகவல்களுடன், சென்னையில் கோயில்கள் மற்றும் போர்ட்ரெயிட் படத் தொகுப்புகள் சில, தகவல்களுடனான ‘பறவை பார்ப்போம்’ பதிவுகள் ஆகியனவும் வரிசையில் சேருகின்றன.

'சொல்வனம்' இதழில் மொழிபெயர்ப்புப் பதிவுகள் - 3

கவிதைகள்: 'கீற்று' (1); 'நவீன விருட்சம்' (2); 'புன்னகை' (1) ; 

'பண்புடன்' இதழில் கவிதைகள் (3), குறுங்கவிதை தொகுப்புகள் (3)

அதிகமாக பதிவுகள் தராத நிலையிலும் இந்த வருடம் வழக்கமான பதிவுகளை விடவும் பழைய பதிவுகளுக்கு அதிகமான பக்கப் பார்வைகள் இருந்தன. முத்துச்சரம் பத்து இலட்சம் பக்கப் பார்வைகளைக் கடந்ததும் இந்த வருடமே. ஒரு கணக்குக்காக இந்த வருட இறுதியின் புள்ளி விவரத்தையும் சேமிக்கிறேன்:

**

அனைவருக்கும் இனிய புத்தாண்டு வாழ்த்துகள்!

***

பால் வாசம் - பண்புடன் மின்னிதழில்..

  

பால் வாசம் - (பத்து குறுங்கவிதைகள்)

1.

சரசரக்கும் சருகுகள்

கிளை தாவும் அணில்

காற்றின் வேகத்தில்.

2. 

அமைதியான பின்வாசல்

அணிலின் வாலசைவு விளையாட்டு  

நடனமாடும் அசைவின்மை.

3.

மரப்பட்டையைச் சூடேற்றும் வெயில்

கொட்டையைக் கொறிக்கும் அணில்

திட்டமிடும் குளிர்காலம்.

2025 பென் ஹீனி விருதை வென்ற டாம் பாலின் கவிதை - சொல்வனம் இதழ்: 356

டாம் பாலின் (தாமஸ் நீல்சன் பாலின் - ஜனவரி 25, 1949)  தனது கவிதைத் தொகுப்பான நாமன்லாக் (Namanlagh)_காக 2025_ஆம் ஆண்டின் பென் ஹீனி  (PEN Heaney) பரிசின் வெற்றியாளராக அறிவிக்கப்பட்டுள்ளார்.  இந்த நூல் ஃபேபர் (Faber) வெளியீடாகும். 

(Belfast) பெல்ஃபாஸ்டில் வளர்ந்து, தற்போது ஆக்ஸ்ஃபோர்டில் வசிக்கும் டாம் பாலின் வட அயர்லாந்து கவிஞரும், விமர்சகருமாவார்.

வசந்தத்தின் வாக்குறுதி

 #1

'நல்ல உணர்வுகள் பகிரப்படும் இடமெல்லாம்

உலகம் இன்னும் சற்றே மலர்கிறது.'

#2

'பொறுமை, சிறிய அடிகளை

பெரிய பயணங்களாக மாற்றுகிறது.'

#3

'மலர்கள் வாடுவதற்கு அஞ்சுவதில்லை, 

அவை வசந்தத்தின் வாக்குறுதியை நம்புகின்றன.'

#4

'வாழ்க்கை விரியும் போக்கை நம்புங்கள்,

மெதுவாக நகரும் அத்தியாயங்களுக்கும் அர்த்தம் உண்டு.'

#5

'உலகம் பரந்தது,

ஒவ்வொரு ஆன்மாவுக்கும் வளர இடம் உண்டு.'

#6

'அதிகமாக சிந்திப்பதை நிறுத்தும்போது 

வாழ்க்கை அழகாக மலர்கிறது.'

#7

'நன்றியுள்ள இதயங்கள் வாழும் இடத்தில்

ஆசீர்வாதங்கள் மலர்கின்றன.'

*

என் வீட்டுத் தோட்டத்தில்.. - பாகம்: 223

**

சாக்பீஸ் சூரியன் - [ஒன்பது குறுங்கவிதைகள்] - பண்புடன் இதழில்..

1.

மிதக்கும் சோப்புக் குமிழிகள்

அருகில் வண்ணத்துப்பூச்சிகள்

பறக்கும் மகிழ்ச்சி.

2.

பாதி கடித்த ஆப்பிள்

விரியத் திறந்த கதைப்புத்தகம்

வியப்புக்கு முடிவில்லை.

ஆயிரம் வேர்களும் பதிலற்ற வினாக்களும் - 'புன்னகை' இதழ்: 86

நாம் நடந்து கொண்டிருப்பது 

எஞ்சிய தடங்களில்,

வேர்கள் ஒரு காலத்தில் 

பற்றிக் கொண்டிருந்த

மண்ணின் நெஞ்சங்களில். 

அவை தம் மூச்சை வைத்து 

உயிர் வாழ்ந்திருந்த இடத்தில் 

இப்போது இருப்பதெல்லாம்

சூடா மணியே சுடரொளி போற்றி! - கார்த்திகை தீபங்கள் 2025

 கார்த்திகை மாதம் முழுவதும் மாலையில் வீட்டு வாசலில் விளக்குகள் வைப்பது வழக்கம். திருக்கார்த்திகை அன்றும், அதன் பின்னர் கார்த்திகை மாதம் முடியும் வரையிலும் வீட்டின் வாசல் மற்றும் உள்ளே தினம் விளக்குகளை ஏற்றி பலவிதமாகப் படமாக்கி பகிர்ந்து வருகிறேன் தொடர்ந்து பல வருடங்களாக. அந்த வரிசையில் இந்த வருடப் படங்கள் இந்தப் பதிவில் இடம் பெற்றுள்ளன.

#1 ‘ஓம் அளவிலா அளவுமாகும் விளக்கே போற்றி!'

#2 ‘ஓம் எனும் பொருளாய் உள்ளோய் போற்றி!’

#3  ஓம் முக்கட் சுடரின் முதல்வி போற்றி

#4 திருக்கார்த்திகை தீபங்கள்:

மழையின் ரீங்காரம் - (ஒன்பது குறுங்கவிதைகள்) - பண்புடன் இதழ்: 7

1.

தரையில் இலையுதிர்க்கால இலை

காற்றில் சுழன்றாடும் குழந்தை

விழ அஞ்சுவதில்லை இருவரும்.

2.

ஓவிய நோட்டில் வண்ணத்துச்பூச்சி

உருளும் கிரேயான் 

சிறகுகள் பெறும் நிறங்கள்.

3.

காற்றில் உதிரும் பூவிதழ்கள்

தேன் பருந்து ( Crested Honey-Buzzard ) - பறவை பார்ப்போம்

 

ஆங்கிலப் பெயர்கள்: Crested honey buzzard; Oriental Honey Buzzard

உயிரியல் பெயர்: Pernis ptilorhynchus

அக்சிபிட்ரிடே (Accipitridae) குடும்பத்தைச் சேர்ந்த, நடுத்தர அளவு முதல் பெரிய அளவு வரையிலான வேட்டைப் பறவை. இவ்வகையான (Hawk) கொன்றுண்ணிப் பறவைகளின் பொதுப் பெயர் தமிழில் ‘பாறு’ என அறியப்படுகிறது. அதாவது 'பாறுக் குடும்பம்' அல்லது 'கழுகு, பருந்து குடும்பம்' என்று குறிப்பிடப்படுகிறது.

#2

தேன் பருந்து ஆசியாவிற்கே உரிய தனிப்பட்ட இனமாகும். கோடைகாலத்தில் இனப் பெருக்கத்திற்காக சைபீரியா மற்றும் ஜப்பான் நாடுகளுக்கு இடம் பெயர்கின்றன. பின்னர் குளிர்காலத்தை தென்கிழக்கு ஆசியா மற்றும் இந்திய துணைக்கண்டத்தில் செலவிடுகின்றன. இந்தப் பகுதிகளில் ஆண்டு முழுவதும் வசிக்கும் பறவைகளும் உள்ளன.

வாழ்வை வாழ்தல்

 1.

“இதயத்திலிருந்து எழும் வார்த்தைகள் தங்கள் வழியை தவறவிடுவதில்லை.”

2.

“வாழ்க்கையை சிக்கலாக்கிக் கொள்ளாதீர்கள். அதன் போக்கில் செல்லட்டும், மலரட்டும்.”

3.

“அவசரம் வாழ்வின் மகிழ்ச்சியைக் கொள்ளையடிக்கிறது.

சாம்பல்-வயிற்றுக் காக்கா ( Grey-bellied cuckoo ) - பறவை பார்ப்போம்

ஆங்கிலப் பெயர்கள்: Grey-bellied cuckoo; Indian Flaintive cuckoo

தமிழில் வேறு பெயர்: சக்களத்திக் குயில்

உயிரியல் பெயர்: Cacomantis passerinus 

கிளைகளைப் பற்றி அமரும் பாஸரின் வகைப் பறவைகளில் ஒன்று. சாம்பல் நிறத்தில் சிறிய காகம் போன்ற தோற்றத்தைக் கொண்டது. 

சாம்பல் வயிற்றுக் காக்காவின் மொத்த உயரம் சுமார் 23 செ.மீ இருக்கும். வளர்ந்த பறவைகளுக்கு அடிவயிறும், வால் நுனியும் வெள்ளை நிறத்தில் இருக்கும். (வாலின் வெள்ளைப் பட்டையைப் படத்தில் காணலாம்). 

சில பெண் பறவைகள் மேல் பகுதியில் அடர்ந்த கோடுகள் கொண்ட சிவப்பு அல்லது பழுப்பு நிறத்துடன், கோடுகள் இல்லாத வாலையும், அழுத்தமான அடர் - கோடுகள் கொண்ட வெள்ளை நிறக் கீழ்ப்பகுதிகளையும் கொண்டிருக்கும். இளம் பறவைகள் பெண் பறவையை ஒத்திருக்கும், ஆனால் மங்கிய சாம்பல் நிறத்தில் இருக்கும்.

பூச்சிகளை இரையாக்கிக் கொள்ளும். உயர்மரக்கிளைகளில் கம்பளிப்பூச்சி போன்றவற்றைத் தேடி உண்ணும். 

இவை குறுகிய தூரம் புலம்பெயர்ந்து செல்லும் பறவைகளாகும்.

இலக்கின் கனல்

#1

"மாட்சிமை கிரீடங்களில் அளக்கப்படுவதில்லை. மாறாக, மாளாது அமைதியுடன் தொடர்ந்து வாழும் வலிமையில் அளக்கப்படுகிறது."

#2

"உலகம் பரந்தது, நீங்களே உங்களுக்கு விதித்துக் கொள்ளும் எல்லைகளால் அதைச் சுருக்கி விடாதீர்கள்."

#3

"உயிர்த்திருத்தல் விழிப்புடன் இருப்போருக்கே உரித்தாகிறது."

குறையொன்றுமில்லை

 #1

"கனவுகள் உயரமானவையாக இருக்கட்டும். அதே சமயம், உங்களைச் சுற்றியுள்ள உண்மையை நோக்கி உங்கள் கண்கள் திறந்திருக்கட்டும்."

#2

"எதிலும் குறைவில்லை என்பதை நாம் உணருகின்றபோது, உலகம் நமதாகிறது."

#3

"பூக்கும் ஒவ்வொரு பூவும் நினைவூட்டுகிறது, அழகு என்பது அந்தந்த நிமிடத்தை அரவணைப்பதில் உள்ளது."

இறகுகளின் வண்ணவிழா.. நீல-வெண் மயில்களும் பச்சைக் கிளிகளும்.. – மைசூர் கராஞ்சி இயற்கைப் பூங்கா (2)

#1

வானுயர்ந்த சோலையிலே..

#2

இயற்கையின் அமைதிக்குள் இறை உருவம்

இறகுகளின் வண்ணவிழா:

பறவைகளைக் கவனிப்பது ஒரு இனிய அனுபவம் எனில் எங்கு திரும்பினும் கண்ணைக் கவரும் வண்ண  இறக்கைகளுடனான பறவைகள் சூழ இருக்க எதைக் கவனிப்பது என்பது மேலும் இனிதான அனுபவம். நீல மயில்களும் வெள்ளை மயில்களும் தம் கம்பீரமான அசைவுகளால் சுற்றுப்புறத்தை அழகால் நிரப்பின என்றால், அலெக்ஸாண்ட்ரின் கிளிகள் தம் கீச்சொலிகளாலும், துடிப்பான பறத்தல்களாலும் பூங்காவை உயிர்ப்புடன் வைத்திருந்தன. வளைத்து வளைத்து எடுத்த படங்களை அவ்வப்போது ஃப்ளிக்கர் தளத்தில் தொடர்ந்து பகிர்ந்து முடித்து, இங்கு தொகுப்பாக அளிக்கிறேன்.

நீல-வெண் மயில்களும் பச்சைக் கிளிகளும்:

#3

#4

#5

#6

#7

#8

#9

#10

#11

#12

#13

#14

#15

#16

#17

#18

#19

*

பறவை பார்ப்போம் - பாகம்: 132

**

கராஞ்சி இயற்கைப் பூங்கா - பாகம் 1: இங்கே

***