பூக்களங்கள்; குரு யது நந்தனா; சுவர் சித்திரங்கள் - தூறல்: 37

ஒன்பது மற்றும் பத்தாவது முறையாக வல்லமை மின்னிதழின் படக் கவிதைப் போட்டிக்காக ஃப்ளிக்கரிலிருந்து தேர்வான எனது படங்கள்:

 “இந்த உலகைப் பாதுகாப்பான ஒன்றாகக் குழந்தைகளுக்கு அளிக்க வேண்டியது நம் தலையாய கடமை. அப்போதுதான் அதை இன்னும் சிறப்பானதாக்கிட அவர்களால் இயலும்.”

2019 குழந்தைகள் தினத்தன்று ஃப்ளிக்கர் பக்கத்தில் பகிர்ந்த படம்:

https://www.flickr.com/photos/ramalakshmi_rajan/49064546387/

வல்லமை மின்னதழில், 
போட்டி அறிவிப்பு இங்கே: https://www.vallamai.com/?p=94196
போட்டி முடிவு இங்கே: https://www.vallamai.com/?p=94288

**

“ஒருபோதும் தலை வணங்காதீர்கள். எப்போதும் நிமிர்ந்து இருங்கள். உலகை நேராக அதன் கண்களுக்குள் பாருங்கள்”

_ ஹெலன் கெல்லர்

https://www.flickr.com/photos/ramalakshmi_rajan/47986313742/

வல்லமை மின்னதழில், 
போட்டி அறிவிப்பு இங்கே: https://www.vallamai.com/?p=92668
போட்டி முடிவு இங்கே: https://www.vallamai.com/?p=92668

வல்லமை ஆசிரியர் குழுவிற்கும், போட்டியில் கலந்து கொண்டவர்களுக்கும் என் நன்றி. வெற்றி பெற்றவர்களுக்கு என் வாழ்த்துகள்!

இந்த வருடம், ஓணம் பண்டிகை அன்று எனது நெருங்கிய தோழி சுனந்தாவின் வீட்டில் சத்யா விருந்து. வீட்டு முகப்பிலும் பூஜை அறையின் முன்பும் போடப்பட்டிருந்த அழகிய பூக்களங்கள் உங்கள் பார்வைக்கு:

தோழி, அவரது தங்கை மற்றும் மகள் ஆகியோரின் கை வண்ணத்தில் உருவான பூக்களத்தின் மத்தியில் கதக்களி முகம்..

நிலவிளக்கு

மற்றுமொரு கோணத்தில்..

வீட்டு முகப்பில்..

வரவேற்பறையில் புதிதாக இடம் பெற்றிருந்த அழகிய புடைப்போவியம் (ம்யூரல் ஆர்ட்) :

குரு யது நந்தனா

[குருவாயூர் ம்யூரல் ஆர்ட் பள்ளியைச் சேர்ந்த
ஓவியர் ஹரிசங்கர் கைவண்ணத்தில்..]

நான் அதைப் படம் எடுத்துக் கொண்டதும், அதன் விவரங்களை அன்றைய தினமே  அனுப்பி வைத்திருந்தார். அதன் தமிழாக்கம்:

கிருஷ்ணரின் அழகையும் அவருக்கும் கோபியருக்கும் இடையேயான அன்பையும் சொல்லும் சமஸ்கிரத பாசுரமான கீதா கோவிந்தத்தின் கடைசிப் பாடல் ‘குரு யது நந்தனா’. ராதைவின் பரவச மனநிலையைச் சித்தரிக்கிறது. 12_ஆம் நூற்றாண்டில் ஜெயதேவா இயற்றிய அஷ்டபதியின் கடைசிப் பாடல் அழகிய சுதிலயத்துடன் முடிவுறுகிறது. இப்பாடலில் ராதை மகிழ்ச்சியும் மனநிறைவும் கொண்ட பெண்மணி. அவளது முறையீடுகள், பொறாமை, சலிப்பு, கிருஷ்ணர் மேலான தவிப்பு எல்லாமே முடிந்து போகிறது.  இரவை இனிதாகக் கிருஷ்ணரோடு பகிர்ந்து கொண்ட ராதை, புலர்ந்த அழகிய காலையில், தன் அலங்காரத்தைச் சரி செய்ய கிருஷ்ணரை வேண்டிக் கொள்ள அவரும் உதவுகிறார். 'குரு யது நந்தன சந்தன ஷிஷிரதரேண கரேண பயோதரே.' ('Kuru Yadu Nandana Chandana Shishira Tarena Karena Payodhare'). தலை சிறந்த காவியமாகக் கருதப்படும் கீதா கோவிந்தத்தை இப்பாடலுடன் நிறைவு செய்கிறார் ஜெயதேவா.

எங்கள் குடியிருப்பில் ஒரு தோழியின் இல்லத்தில் சென்ற வருடம் எடுத்த பூக்களம் ஒன்றும் உங்கள் பார்வைக்கு:

சுவர்ச் சித்திரங்கள்:

 ரசிக்க வைத்தக் கலைப் படைப்புகள்

‘தினசரி வாழ்வில் படியும் தூசியை 

ஆன்மாவிலிருந்து கழுவிச் சுத்தம் செய்கிறது, 

கலை.’ 

_ Pablo Picasso

‘ஓவியம் ஒரு நிசப்தமான கவிதை, 

கவிதை ஒரு பேசும் ஓவியம்.’

_Plutarch

படத்துளி:

தங்கை வீட்டின் இந்த வருடக் கொலுவில் புது வரவாக,

பஞ்சமுகி ஆஞ்சநேயர்

***