‘ஆஹா’ படங்களின் அணிவகுப்பு - மார்ச் போட்டி

#1

அசத்தி விட்டிருக்கிறார்கள், கோடு போட்டால் ரோடு போடும் "PiT" குடும்பத்தினர். இந்த முறை சற்று வித்தியாசமான ஒரு தலைப்பைக் கொடுப்போமென முடிவு செய்த நடுவர் நவ்ஃபலுக்கு நிச்சயம் மகிழ்ச்சிதான். எழுபது படங்கள் வரை அணி வகுத்து நிற்கின்றன சவால் விட்டபடி. அப்படி என்னதான் தலைப்பு?

#2

Negative Space. நாம் தேவையில்லையோ என எண்ணும் வெற்றிடங்கள் பலநேரங்களில் கருப்பொருளுக்கு பலம் சேர்த்து படம் தரும் உணர்வையே மாற்றி விடுகிறது. நெகட்டிவ் ஸ்பேஸ் படங்களுக்கு பாஸிட்டிவ் ஆகும் அற்புதமே இது. எடுக்கும் படங்கள் மினிமலிஸமாகவும் (Minimalism) இருக்கலாம்.

“கருப்பொருளைச் சுற்றியிருக்கும், கவனத்தைக் கலைக்காத வெற்றிடத்தை சரியான வகையில் பயன்படுத்தி “ஆஹா!” சொல்ல வைக்க வேண்டும்” நடுவர் சொன்னதை அழகாக உள்வாங்கி அருமையான படங்களைத் தந்திருக்கிறார்கள் போட்டியில் பங்கேற்றவர்கள். அந்த எழுபது பேரோடு உங்களின் படமும் சேர வேண்டாமா? படங்களை அனுப்ப இன்றே கடைசித் தினம். நினைவூட்டவே இந்தப் பதிவு, மாதிரிக்காக நான் எடுத்த சில படங்களுடன்.  [இவற்றில் 2 மற்றும் 11, 12, 13 புதியவை.]


கீழ் வரும் மாதிரிப் படங்கள் குறித்து அறிவிப்புப் பதிவில் நடுவர் அளித்த கருத்துகளும் இங்கே சேர்க்கிறேன்:

#3

இந்தப் படம் மினிமலிசத்திற்கு நல்ல எடுத்துக்காட்டு. பிள்ளையாரின் சிலையைச் சுற்றியிருக்கும் வெற்றிடம் ஒரு அமைதியை நமக்கு கடத்துகிறது" _ Naufal M Q

#4

"இந்தப் படங்களில் (4,5) சப்ஜெக்டின்  மேற்பகுதியிலும் கீழ்ப்பகுதியிலும் இடம் ஒதுக்கப்பட்டு சப்ஜெடின் மீது நமது கவனத்தை அழகாக ஈர்க்கிறது"
_ Naufal M Q

 #5

 #6

#7

#8

#9

#10

#11

#12

#13

இதுவரை வந்த படங்களைக் காண இங்கே செல்லலாம். போட்டி விதிமுறைகள் இங்கே . போட்டி அறிவிப்பு இங்கே.