Tuesday, October 17, 2017

கல்கி தீபாவளி மலர் 2017_ல்.. - மீனுக்குப் போடும் பொரி..

256 பக்கங்களில் ஆன்மீகக் கட்டுரைகள், பொதுக் கட்டுரைகள், நேர்காணல்கள், ஓவியங்கள், சிறுகதைகள் மற்றும் கவிதைகளுடன்.. எப்போதும் போலவே சிறப்பாக வெளிவந்துள்ளது  இந்த வருட கல்கி தீபாவளி மலர்.

எனது ஒளிப்படமும்.. பக்கம் 77_ல்..

Sunday, October 15, 2017

Wednesday, October 11, 2017

லலித மஹால் - மைசூர் அரண்மனைகள் (3)

மைசூரின் கிழக்குப் பாகத்தில், சாமுண்டி மலைக்கு அருகில் இருக்கும் லலித மஹால், நகரின் இரண்டாவது மிகப் பெரிய அரண்மனை.
#1

1921 _ ஆம் ஆண்டு மகராஜா நான்காவது கிருஷ்ண உடையாரினால், பிரிட்டிஷ் வைஸ்ராய் மற்றும் ஆங்கிலேய உயர் அதிகாரிகள் வந்து தங்குவதற்கென்றே பிரத்தியேகமாகக் கட்டப்பட்டது.

#2


லண்டனில் இருக்கும் செயிண்ட்.பால் கத்தீட்ரல் போலவே வடிவமைக்கப் பட்ட ஒன்று. குறிப்பாக நடுவில் இருக்கும் அதன் குவிந்த மாடம் (dome).  நேர்த்தியாகக் கட்டப்பட்ட இந்த அழகிய மாளிகை,

Sunday, October 8, 2017

அன்பால் மலையும் அசையுமடி!

என் வீட்டுத் தோட்டத்தில்.. (பாகம் 22)
#1
“பறவையானது அதன் சொந்த வாழ்வாலும் உந்துதலாலுமே செலுத்தப்படுகிறது.”
_Dr. APJ Abdul Kalam

#2
“நம் கண்களுக்குப் புலப்படுவது நாம் எதை எதிர்நோக்கிப் பார்க்கிறோம் என்பதைப் பொறுத்தது”
_ John Lubbock

#3

“ஒரே இடத்தில் தங்கி விட அல்ல உலகம், அது மிகப் பெரியது. 
ஒரே விஷயத்தை மட்டுமே செய்வதற்கல்ல வாழ்க்கை, ஏனெனில் அது மிகக் குறுகியது.”


#4
“அத்தனை ஜீவராசிகளுக்கும் நண்பனாய் இருப்பவனே நல்ல மனிதன்.”__Mahatma Gandhi

Wednesday, October 4, 2017

சிறகு விரிந்தது - ஒரு பார்வை - திண்ணையில்..

விதைகளைத் தன் மனதின் வடிகாலாகக் கருதுவதாகச் சொல்லுகிறார், நூலின் தொடக்கத்தில் ஆசிரியர் சாந்தி மாரியப்பன்.  அவருக்கான வடிகாலாக மட்டுமே அவை நின்று விடாமல் இறுகிக் கிடக்கும் மற்றவர் மனங்களைத் திறக்கும் சக்தி வாய்ந்தவையாக, எண்ணங்களிலும் வாழ்க்கையிலும் மாற்றங்களைக் கொண்டு வரக் கூடிய சாத்தியங்களைச் சத்தமின்றித் தம்முள் கொண்டவையாக ஒளிருகின்றன.

Sunday, October 1, 2017

வார்த்தைகள் தோற்கும் போது..

#1
‘கற்றலில் கிடைப்பது அறிவு. வாழ்தலில் கிடைப்பது ஞானம்.’
_ Anthony Douglas Williams


#2
‘வெற்றிகளை உங்கள் தலையில் ஏற்றிக் கொள்ளாதீர்கள். 
தோல்விகளை உங்கள் மனதில் இருத்தி வைக்காதீர்கள்’
_ Anthony Douglas Williams


#3
“காலம் கடிகாரங்களால் கணக்கிடப்படுவதன்று, 
நாம் வாழும் கணங்களால்..”

Tuesday, September 26, 2017

ஜெகன்மோகன் அரண்மனை - மைசூர் அரண்மனைகள் (பாகம் 2)

மைசூர் அரண்மனையைப் பார்த்து ரசிப்பவர்கள் பெரும்பாலும் பார்க்கத் தவறிவிடுவது மேற்கே சற்று தொலைவிலேயே அமைந்த ஜெகன்மோகன் அரண்மனையை. இந்த அரண்மனை மைசூரை ஆண்ட மன்னர்களால் 1861ல் கட்டப்பட்டது. இந்து பாரம்பரியப் பாணியில் மூன்று தளங்களோடு கட்டப்பட்டுள்ளது. 1900_ஆம் ஆண்டில் வெளிப்புறத்தில்.. முகப்பில்.. மூன்று நுழைவாயில்களுடனான (படத்தில் காணலாம்) பெரிய கூடம் புதிதாக இணைக்கப்பட்டது. அரண்மனையின் உட்புறம் சுவர்ச் சித்திரங்களோடு திகழ்கிறது. மைசூர் ஓவியப் பள்ளியின் பாணியில் தசரா காட்சிகள், யானை சவாரி போன்றவை  மூன்று நீண்ட சுவர்களில் வரையப்பட்டுள்ளன. தொடக்கக் கால தசராக் கொண்டாட்டத்தைக் கண் முன் கொண்டு வரும் இந்த ஓவியங்கள்  காய்கனிகளிலிருந்து எடுக்கப்பட்ட சாறுகளைச் சாயமாகப் பயன்படுத்தி வரையப்பட்டிருக்கின்றன. மரத்தில் நுணுக்கமாகச் செதுக்கப்பட்ட தசாவதாரக் காட்சிகளையும் இங்கே பார்க்கலாம். 

உடையார் குடும்பத்தினர் அம்பாவிலாஸ் அரண்மனை கட்டப்படும் வரை இங்குதான் இருந்தனர். 1912-ல் அம்பா விலாஸ் அரண்மனை முழுவதுமாகக் கட்டி முடிக்கப்படும் வரை ஆண்டுவிழா மற்றும் தசரா விழாக்கள் இங்குதான் கொண்டாடப்பட்டிருக்கின்றன. கலைநயத்துடன் வடிவமைக்கப்பட்ட தூண்களையும், சிற்பங்களையும் கொண்ட இந்த அரண்மனை தற்போது அருங்காட்சியமாகவும் ஓவியக் கலைக் கூடமாகவும் பராமரிக்கப்படுகிறது. தஞ்சாவூர் மற்றும் மைசூர் ஓவியங்களோடு உடையார் பேரரசர் ஆட்சி காலத்தின் 25 வாரிகளின் வரலாறும் ஓவியங்களாக சித்தரிக்கப்பட்டுள்ளது. 

அவற்றுள் என்னை மிகக் கவர்ந்தவை ஓவியர் ராஜா ரவிவர்மா வரைந்த அசல் ஓவியங்கள் பதினாறு.

Saturday, September 23, 2017

ஏரி குளங்களும்.. நவராத்திரி கொலுப் பொம்மைகளும்..

ஸ்ரீ சீதா ராம லக்ஷ்மண ஹனுமன்
ழிவழியாய் மக்கள் வருடந்தோறும் கொண்டாடும் நவராத்திரியில் கொலு வைப்பதென்பது ஒரு முக்கிய அங்கமாக இருந்து வருகிறது. துர்க்கை, லக்ஷ்மி, சரஸ்வதி, பார்வதி எனத் தேவியரைப் போற்றும் இறை வழிப்பாட்டைத் தாண்டியும் சில முக்கியக் காரணங்கள் இந்தக் கலாச்சாரத்திற்கு இருந்திருக்கிறது.

ஒன்று, கல்வி. கொலு அலங்காரங்கள், பொம்மைகள் அடுக்குதல் என்பதில் குடும்பத்தினர் ஒன்று சேர்ந்து ஈடுபடுவார்கள். முக்கியமாகக் குழந்தைகள் குதூகலத்துடன் தங்களால் இயன்றதைச் செய்வார்கள். அவர்களுக்கு கொலுப் பொம்மைகளின் மூலமாகவே நமது இதிகாசங்கள், புராணங்கள், வழிபாடுகள், கலாச்சாரங்கள், பொது அறிவு எனப் பல விஷயங்களைக் கற்றுக் கொடுக்கும் பண்டிகையாக அமைகின்றன நவராத்திரி கொலுக்கள். அவரவர் வீட்டுப் பொம்மைகள் மட்டுமின்றி செல்லுமிடங்களில் காணும் பொம்மைகளைப் பற்றி கேட்டறிந்து அறிவை வளப்படுத்திக் கொள்ள உதவின.

#2
தசாவதாரம்
அடுத்து,

Friday, September 15, 2017

அதிர்ஷ்டசாலிகள் - சொல்வனம் 176_ஆம் இதழில்..

சார்லஸ் புக்கோவ்ஸ்கி கவிதை (11)

விரைவுச் சாலையில் மழையில் மாட்டிக் கொண்ட போது
நேரம் மாலை ஆறு பதினைந்து
நில், முதல் கியருக்கு மாறு, மீண்டும் நில்
நாங்கள் எல்லாம் அதிர்ஷ்டசாலிகள், பணியிலிருப்பவர்கள்
வேறெதைப் பற்றியும் சிந்திக்க விரும்பாதவர்களாய்
வானொலியை எவ்வளவு முடியுமோ
அவ்வளவு சத்தமாக அலற விட்டிருந்தோம்
சிகரெட்டைப் பற்ற வைத்தபடி.

நாகரீக உலகின் பெரும்பாலான மக்கள்
ஒரு காலத்தில் மரத்திலும் குகைகளிலும் வாழ்ந்த மனிதர்கள்
இப்போது வாகனங்களில் அதுவும் சாலைகளில் வாழ்கிறார்கள்.

Saturday, September 9, 2017

ஒரு மஞ்சக் குருவி ( Baya Weaver ) - பறவை பார்ப்போம் (பாகம் 18)

#1
ஜூலை, ஆகஸ்ட், செப்டம்பர் மாதங்கள் தூக்கணாங்குருவிகளின் இனப்பெருக்கக் காலம். சென்ற வருடமும் இதே நேரம்தான் தோட்டத்து முருங்கை மரத்தில் இக்குருவிகள் கட்டிய கூட்டை வியந்து பார்த்து முதன் முதலாகப் படமாக்கிப் பகிர்ந்திருந்தேன்: தூக்கணாங்குருவிகளும்.. செம்மீசைச் சின்னான்களும்.. ! [தொடர்ந்து தினமலர் பட்டம் இதழிலும்.. படங்களுடன்: தேர்ந்த நெசவாளி] முதல் பதிவில் 55-200mm லென்ஸின் ஃபோகல் லென்த் எனக்குப் போதுமானதாக இல்லை என்றும் சொல்லியிருந்தேன். பின் தோட்டத்து விஸிட்டர்களைப் படம் எடுக்க என்றே அடுத்த இரு  மாதங்களில் 70-300mm லென்ஸ் வாங்கியதில் ஓரளவுக்குப் பறவைகளை வீட்டுக்குள் இருந்தே நெருங்க முடிகிறது இப்போது.

#2

கடந்த இருமாதங்களில் பகிர்ந்த படத் தொகுப்புகளில் ஏற்கனவே இந்த சீசனில் எடுத்த படங்கள் சிலவற்றைச் சிந்தனைத் துளிகளோடு பகிர்ந்து விட்டுள்ளேன். மேலும் எடுத்த சில உங்கள் பார்வைக்கு...

#3
"You may see me struggle but you will never see me quit."
- C.J. Watson.
சென்ற வருட சீஸன் முடிந்ததும் கண்ணிலேயே படாமல் காணாது போய் விட்ட தூக்கணாங்குருவிகள், மறுபடியும் இந்த ஜூலையில் கூட்டம் கூட்டமாக வந்து பல கூடுகளை என் வீட்டு மரத்திலும் பக்கத்து வீடு, தோட்டத்தை அடுத்து வெளியே இருக்கும் ஈச்ச மரம் ஆகியவற்றில் கணக்கு வழக்கு இல்லாமல் கூடுகளைக் கட்ட ஆரம்பித்தன.

#3
முருங்கை மரத்திலும் ஈச்ச மரத்திலுமாக..

Monday, September 4, 2017

அம்பா விலாஸ் - மைசூர் அரண்மனைகள் (1)

சரா நெருங்கிக் கொண்டிருக்கிறது. எத்தனை பேர், குறிப்பாகப் புகைப்படக் கலைஞர்கள் மைசூருக்குக் கிளம்பிக் கொண்டிருக்கிறீர்களோ தெரியாது. சுற்றுலா நகரமாக வருடம் முழுவதுமே ஏராளமான பயணிகளை ஈர்க்கும் மைசூர், கோலாகலமான தசரா சமயத்தின் பத்து நாட்களில் (சென்ற வருடக் கணக்குப்படி)  சராசரியாக 10 முதல் 12 இலட்சம் மக்கள் வருகை தரும் இடமாக இருந்து வருகிறது. ஆர்வமுள்ளவர்கள் இந்நேரத்தில் திட்டமிடப் பயனாகவும் ஒரு நினைவூட்டலாகவும் இருக்கட்டுமே என, ஐந்து வருடங்களுக்கு முன் சென்றிருந்த போது எடுத்த படங்கள் இருபத்தேழுடன் ஒரு பகிர்வு:

மைசூருக்குப் பெருமை சேர்க்கும் முதல் இடமாக இருப்பது “அம்பா விலாஸ்” அரண்மனை.
#1

மைசூர்  மாகாணத்தின் மையப் பகுதியில் நால்வடி கிருஷ்ணராஜ உடையார் காலத்தில் கலைநுட்பத்துடன் கட்டப்பட்ட அரண்மனையானது  1897ம் ஆண்டு எதிர்பாராத வகையில் தீப்பிடித்து எரிந்து போக, அப்போது மன்னராக இருந்த மும்மடி கிருஷ்ணராஜ உடையார் புதிய அரண்மனை உருவாக்க திட்டமிட்டார்.

Sunday, August 27, 2017

‘வின்டேஜ் பெங்களூர்’ ஓவியங்களும்.. சில நினைவலைகளும்..

மெட்ரோ, சாலை விரிவாக்கம், அதற்காக இழந்த மரங்கள், எங்கெங்கும் முளைத்திருக்கும் ஷாப்பிங் மால்கள், எந்தப் பக்கம் திரும்பினாலும் விஸ்வரூபம் எடுத்து நிற்கும் அடுக்குமாடிக் குடியிருப்புகள், ஐடி வளாகங்கள்.. இவைதாம் தோட்ட நகரம் என அறியப்பட்ட பெங்களூரின் இன்றைய அடையாளங்கள். காலத்திற்கு அவசியமான மாற்றங்கள் என என்னதான் நியாயப் படுத்தினாலும் பெங்களூர் தன் பழைய அழகை எப்போதோ தொலைத்து விட்டிருப்பதை பல காலமாக இங்கே குடியிருப்பவர்கள் நிச்சயம் ஒத்துக் கொள்வார்கள். 25 ஆண்டுகளுக்கு முன்னர் இருந்த பெங்களூரை அவ்வப்போது நினைத்துப் பார்க்காமல் இருக்க முடிவதில்லை ரொம்பப் பழகிய இடங்களுக்குச் சென்று வருகையில்.

நேற்று முன் தினம், ஒரு உணவகத்தில் அன்றைய பெங்களூரை நினைவு படுத்தும் விதமான ஓவியங்களைக் கண்டதும் மகிழ்ச்சி தாங்கவில்லை. அவை சுமார் ஐம்பது ஆண்டுகளுக்கு முந்தைய பெங்களூரைச் சித்தரிப்பவையாக இருந்தன. நின்று நின்று ஒவ்வொன்றையும் ரசித்த பின்னர் படம் எடுத்தேன் உங்களுடன் பகிர்ந்து கொள்ள. பிரபல கார்ட்டூனிஸ்ட் பால் ஃபெர்னான்டஸ் வரைந்த ஓவியங்கள் இவை. பின்னர் இணையத்தில் தேடியபோது அவரது படைப்புகள் மேலும் பல பார்க்கக் கிடைத்தன எனினும் நான் படமாக்கியவற்றை மட்டும் இங்கே பகிர்ந்துள்ளேன். என் கணிப்பின் படியே இவை 1960-70_களின் பெங்களூர் என்பதும் தெரிய வந்தது. ஓவியங்களுக்கு நேரெதிரே இருந்து எடுக்க முடியாமல் இருக்கைகள் தடுக்க, நிற்க முடிந்த இடங்களில் மின் விளக்குகளின் பிரதிபலிப்பு விழ, சமாளித்து எடுத்த கோணங்களில்.. படங்கள்:

#1
எம்.ஜி. ரோட் என அறியப்படும் மகாத்மா காந்தி சாலையில், ஹிக்கின்பாதம்ஸ் புத்தகக் கடை


எத்தனையோ முறை சென்றிருக்கிறேன். அருகே இருந்த பல பிரபல கடைகள், திரையரங்குகள் காணாமல் போயிருக்க இன்றைக்கும் தாக்குப் பிடித்து அதே கட்டிடத்தில் இயங்கி வருகிறது.

#2
எம்.ஜி ரோடில் காஃபி ஹவுஸ்

Friday, August 18, 2017

நாகணவாய் - பறவை பார்ப்போம் (பாகம் 17)

#1
காட்டு மைனா
வேறு பெயர்: காட்டு  நாகணவாய்
தெற்கு ஆசியாவின் வெப்ப மண்டலப் பகுதிகளான இந்தியா, நேபாளம், பங்களாதேஷ், பர்மா மற்றும் இந்தோநேஷியாவில் சாதாரணமாகத் தென்படுகிற பறவை காட்டு மைனா. மரங்களில் அடையும், கிளைகளைப் பற்றி அமரும் 'பாசரைன்' (Passerine) வகைப் பறவைகளுள் ஒன்றே மைனா.


வனப் பகுதிகளிலும் வயல்வெளிகளிலும் பார்க்கலாம். குறிப்பாக நீர் நிலைகளுக்கு அருகாமையில் நெல் சாகுபடியான வயல் பக்கங்களில் அதிகமாகத் தென்படும்.

#2
ஆங்கிலப் பெயர்: Jungle myna

ஒன்பது அங்குல உயரத்தில் சாம்பல்  நிறத்தில் இருக்கும்.

Sunday, August 13, 2017

வாழும் கலை

சென்ற வாரம் என் ஃப்ளிக்கர் பக்கத்தில் பகிர்ந்த படங்களின் தொகுப்பு:

#1
“சூரியன் கூடத் தனியேதான் இருக்கிறது. 
ஆனாலும் பிரகாசமாகவே இருக்கிறது.”

#2
“நீண்ட தொலைவுக்கு உங்கள் பார்வை செல்ல வேண்டாம்,  ஏனெனில் உங்களால் எதையுமே பார்க்க முடியாது போகும்.”

#3
“ஐந்தே நிமிடக் கருத்துப் பரிமாற்றம் ஓர் ஆண்டுக்கு மேலாக இழுத்தடிக்க வல்ல மனஸ்தாபத்தையும் குழப்பத்தையும் தவிர்க்க உதவும்.”
_Joyce Meyer 

Friday, August 11, 2017

காட்டுச் சிலம்பன் - Jungle Babbler - பறவை பார்ப்போம் (பாகம் 16)

#1
ஆங்கிலப் பெயர்: Jungle babbler
காட்டுச் சிலம்பன் மைனாவைவிட சற்று சிறிதாக ஆனால் அதை விடக் குண்டாக, தவிட்டு நிறத்தில், சற்றே நீண்ட வாலுடன் இருக்கும். எப்போதும் ஏழெட்டு பறவைகளாகத் திரியும் என்பதால் ஆங்கிலத்தில் செவன் சிஸ்டர்ஸ் என்ற பெயரும் உண்டு.

ஆண், பெண் இரண்டும் பார்க்க கிட்டத்தட்ட ஒரே போலவே இருக்கும். தவிட்டுக் குருவியும் இதே தோற்றத்தில் இருப்பதால் பலர் இரண்டையும் ஒன்றாகக் கருதுவதுண்டு. ஆனால் yellow-billed babbler எனப்படும் தவிட்டுக்குருவியின்

Sunday, August 6, 2017

இயேசுநாதரின் வாக்குறுதி..

#1
“உங்கள் உண்மை ஸ்வரூபத்தை 
நீண்ட நாட்களுக்கு மறைத்து வைக்க முடியாது”
_ Cassandra Clare



#2
"நன்றியுடமை, அபரிமிதத்திற்கான திறந்த கதவுகள்"
ஈச்சம் பழம்

#3
"இயேசுநாதர் உயிர்தெழுவதாகக் கொடுத்த வாக்குறுதி விவிலியத்தில் மட்டும் இல்லை,

Saturday, August 5, 2017

எல்லோருக்கும் ரமணா

#1
பேரமைதியுடன் திகழும் தியான மண்டபத்துடன் கூடிய ரமண மகிரிஷி கோவில் ஒன்று பெங்களூரின் மெக்ரி சர்க்கிள் அருகே உள்ளது.
#2

கோவிலை அடுத்த பூங்காவுக்கு ஏன் “ரமண மகிரிஷி பூங்கா” எனப் பெயர் வந்ததென்பது தற்செயலாகப் பூங்காவை ஒட்டி இருக்கும் மைதானத்தைக் கடந்து சென்ற போதுதான் புரிந்தது.

Sunday, July 30, 2017

ஒரு பாராட்டு; யாஷிகா டி; ஆல்பம் - தூறல்: 31

ணைய உலகில் நாம் பகிரும் எதற்கும் பாராட்டோ, விமர்சனமோ எதுவாயினும் உடனுக்குடன் கருத்து கிடைத்து விடுகிறது. சமூக வலைத் தளங்களில் குறைந்தபட்ச அங்கீகாரமாக ஒரு விருப்பக் குறியேனும். ஆனால் அன்றைய நாட்களில் அப்படி அல்ல. நம் படைப்பை வாசித்து அக்கறையுடன் அது குறித்து ஆசிரியருக்கு ஒருவர் கடிதம் எழுத, அது பிரசுரமாகும் போதுதான் நமக்குத் தெரியவரும். அதில் கிடைக்கும் மகிழ்ச்சியே அலாதிதான். அப்படி இருக்கையில் ஒரு சிறந்த எழுத்தாளரிடமிருந்து கிடைத்த பாராட்டை ஒரு பொக்கிஷமாக இங்கே சேமித்துக் கொள்கிறேன். இருபத்தேழு ஆண்டுகளுக்கு முன்....
1990_ஆம் ஆண்டு நண்பர் வட்டம் இலக்கிய இதழில் நான் எழுதியிருந்த கதை குறித்து அதற்கு அடுத்த இதழில் 'எழுத்தாளர் வல்லிக்கண்ணன் - goo.gl/o41MBh',  தனது கடிதத்தில்:

Thursday, July 27, 2017

வெண்புருவ வாலாட்டி ( white-browed wagtail ) - பறவை பார்ப்போம் (பாகம் 15)


ஆங்கிலப் பெயர்: white-browed wagtail
நம் நாட்டில் ஏழுவகையான வாலாட்டிகள் காணப்படுகின்றன. அவற்றுள்
வெண்புருவ வாலாட்டி (white-browed wagtail) அல்லது வரிவாலாட்டிக் குருவி என்பது இந்தியாவின் ஒரே ஒரு, இடம் பெயரா, வாலாட்டிப் பறவை இனமாகும். இதன் உயிரியல் பெயர்

Wednesday, July 19, 2017

என்னால் முடியும்! - மஹாத்ரிய ர பொன்மொழிகள் 10

#1
“நீங்கள் விரும்புவது கிடைப்பதில்லை. 
எதற்கு நீங்கள் தகுதியானவரோ அதுவே கிடைக்கிறது.”


#2
“நம் முன்னோர்கள் கற்றுத் தந்ததை விட்டொழித்தால், 
நம்முடையன எதுவுமே மிஞ்சாது"

#3
“எந்த ஒரு ஈர்ப்புக்கும் ஒரு கவனச் சிதறலும் தேவையாக இருக்கிறது. சிறு இடைவேளைகள் இல்லாது போயின் நாம் உடைந்து போவோம்”

#4
“ஒவ்வொருவரும் ஒவ்வொன்றுக்கும் ஒரு விளக்கம் வைத்திருப்பதோடு, தங்கள் சொல்லே இறுதியானதாக இருக்க விரும்புகிறார்கள்.” 

Tuesday, July 18, 2017

தூறல்: 30 - அஞ்சலி



சிறந்த ஒளிப்படக் கலைஞரும், இயற்கை ஆர்வலரும், பறவை நேசரும், எழுத்தாளருமான திரு கல்பட்டு நடராஜன் நரசிம்மன் அவர்கள் 11 ஜூலை 2017 அன்று தனது 88 ஆவது வயதில் இருதய அறுவை சிகிச்சையின் போது இறைவனடி சேர்ந்தார்.  இவர் அரசுப் பணிகளில் பல பதவிகள் வகித்து ஓய்வு பெற்றவர். பிறந்த ஊரை தன் பெயரோடு இணைத்துக்கொண்டவர்.

#
ஒளிப்பட மேதை
புகைப்படக் கலையில், 45 வருடங்களுக்கு முன்னர் இருந்த “கோடக் பேபி ப்ரௌனி’ கேமராவை உபயோகித்த அனுபவங்கள் பல கொண்டவர். ராயல் ஃபோட்டோக்ராஃபிக் சொஸைட்டி அமைப்பு இவரது புகைப்படத் திறனுக்காக அளித்த பட்டச் சான்றிதழ், அப்போதைய ஜனாதிபதி வி.வி.கிரி கையால் குடியரசுத் தலைவர் மாளிகையில் வழங்கப்பட்டிருக்கிறது. இவரது 13 படங்கள் தேசிய அளவிலான கண்காட்சிகளில் கலந்து கொண்டு விருதுகளைப் பெற்றிருக்கின்றன. திருச்சியில் வனவிலங்கு பாதுகாப்பு சங்கம் தொடங்கி அதற்காக உழைத்தும் இருக்கிறார்.

அவரது புகைப்பட அனுபவங்களை PIT - தமிழில் புகைப்படக்கலை தளத்தில் “Legend Talks" எனும் கெளரவத்துடன் தொடராக, பாடப் பதிவுகளாக வெளி வந்தன. அவற்றை வாசிக்க கடைசிப் பாகமான இந்தப் பதிவுக்குச் சென்று அங்கிருந்தே முந்தைய பதிவுகளுக்குச் செல்லலாம்:

இயற்கையின் எழிலில் இறைவனைக் காண்போம்” என்ற தலைப்பின் கீழ் அவர் எழுதிய பல பதிவுகள் உட்பட அனைத்தையும் வாசிக்க அவரது தளத்திற்கு செல்லலாம்:

 இயற்கை மற்றும் பறவைகள் குறித்து இவர் எழுதியுள்ள தகவல்கள் யாவும் அனுபவப் பூர்வமானவை. அதை சுவாரஸ்யமாக அவர் சொல்லும் பாணி தனித்துவமானது!


சென்னையிலிருந்து பெங்களூரில் அப்போது கோரமங்களாவில் இருந்த அவரது மகளின் இல்லத்துக்கு வருகை தந்த சமயங்களில் பதிவுலக நண்பர்கள் ஷைலஜா நாராயணன், (ஜீவ்ஸ்) ஐயப்பன் கிருஷ்ணன், அண்ணா கண்ணன், பிரஸாத் வேணுகோபால் ஆகியோருடன் 3 முறைகள் சந்தித்திருக்கிறேன்.  இவரை நேர்காணல் செய்து எழுதிய கட்டுரை தினகரன் வசந்தம் வார இதழில் 2012 ஆம் ஆண்டு, 19 ஆகஸ்ட் உலக ஒளிப்பட தினத்தன்று வெளியானது:

                       http://tamilamudam.blogspot.in/2012/08/blog-post_19.html 

இதைத் தொடர்ந்து நேர்காணலை வாசித்த தூர்தர்ஷன் இயக்குநர் திரு ஸ்ரீனிவாசன் அவரைப் பொதிகை தொலைக்காட்சியின் ‘பொன்னான முதுமை’ நிகழ்ச்சிக்காகப் பேட்டி காணமுடிவு செய்து , பத்திரிகையின் மூலமாக என்னைத் தொடர்பு கொண்டு திரு. நடராஜன் அவர்களின் அலைபேசி எண்களை வாங்கி பேட்டி எடுக்கப்பட்டு அது இரண்டு பாகங்களாக பொதிகை தொலைக்காட்சியில் அதே வருடம் டிசம்பர் மாதத்தில் வெளியாயின. அது குறித்த எனது பகிர்வு இங்கே:

பொன்னான முதுமை’ என்பதற்கான ஒரு இலக்கணமாகவே வாழ்ந்தவர் திரு கல்பட்டார். கடந்த மாதம் வரைக்கும் சுறுசுறுப்பாக மின் குழுமங்களிலும், இணையப் பத்திரிகைகளிலும் தொடர்ந்து எழுதி வந்தார். அவரது நண்பர் திரு. டி.என்.ஏ. பெருமாள் குறித்த கட்டுரை மார்ச்-ஏப்ரல் “காடு” இதழில் வெளியாயிருக்கும் தகவலை சில வாரங்களுக்கு முன் நான் அவருக்குச் சொன்னதைத் தொடர்ந்து, மகிழ்ச்சியுடன் மடல் செய்ததோடு அலைபேசியிலும் தொடர்பு கொண்டு பேசினார். தற்போது நான் பகிர்ந்து வரும் பறவைகள் குறித்த பதிவுகளைப் பாராட்டினார். அவரது பதிவுகளும் எனக்கு அவற்றை அடையாளம் காண உதவியாக இருப்பதைக் குறிப்பிட்டேன். வீட்டுக்கு வரும் பறவைகள் என்னென்ன என்பதை விசாரித்தார்.   அவற்றை நான் பட்டியலிட்ட போது Red wattled lapwing (ஆள்காட்டிப் பறவை) வருமா? அது கூவும் போது எப்படி இருக்கும் தெரியுமா? “டிட் யு டு இட்? Did you do it? என்றே கூவும்” என அதே போல உற்சாகமாகக் குரல் கொடுத்துக் காண்பித்தார். அந்த வயதிற்கு அத்தனை சக்தியோடும், சுறுசுறுப்பாகவும், நிறைந்த நினைவாற்றலோடும் இருக்கும் அவரைப் பாராட்ட வார்த்தைகள் இருக்கவில்லை. வணங்கினேன். (ஆச்சரியமாக, அடுத்த வாரத்தில் அந்தப் பறவையை தோட்டத்தில் கண்டேன். படமெடுக்கும் முன்னர் கிடுகிடுவென நடைபோட்டு எம்பிப் பறந்து விட்டது). மங்களூரில் மகள் வீட்டில் இருப்பதாகச் சொன்னவர் அடுத்த இரு தினங்களில் மகளுக்கு பெங்களூருக்கே மாற்றலாகி விட்டதென்றும், வந்ததும் தெரிவிப்பதாகவும், நண்பர்கள் யாவரும் சந்திக்கலாம் என்றும் சொல்லியிருந்தார். ஆனால் அவர் மறைந்த செய்தியே கிடைத்தது :( .

திருமதி. சாந்தா நடராஜன் அவர்களோடு இன்று பேசினேன். பெங்களூர் வந்த சில நாட்களில் இதய வலி அதிகமாகவும் இதயத்தில் செயற்கை வால்வு பொருத்த அறுவை சிகிச்சைக்கு ஏற்பாடானதாகவும், மிகத் தைரியமாக இருந்தார் என்றும், எதிர்பாராத விதமாக சிகிச்சை பலனளிக்காது போயிற்று என்றும் வருத்தினார். அவருக்கும் குடும்பத்தினருக்கும் ஆறுதல் கிடைக்கப் பிரார்த்தனைகள். திரு கல்பட்டு நடராஜன் அவர்களுக்கு அஞ்சலிகள்! அவரது படங்களும் அனுபவங்களும் வரும் சந்ததிகளுக்குப் பாடமாகும். அவர் புகழ் என்றும் நிலைத்திருக்கும்.

*****
 தினமலர் பட்டம், மாணவர் பதிப்பில்.. (11):

ன்பது ஆண்டுகளுக்கு முன்னர் ஃப்ளிக்கர் தளத்தில் படங்கள் பதிய ஆரம்பித்த புதிதில், பெயர் தெரியாத பறவைகளை “Cute Bird" "Little Bird" என்றெல்லாம் பதிந்து வந்திருக்கிறேன். அது போலவே பூக்களையும். திரு. கல்பட்டு நடராஜன் அவர்களை முதன் முறை நான் சந்திக்கச் சென்ற போது, நான் போகும் முன்னரே என் ஃப்ளிக்கர் பக்கம் முழுவதையும் பார்த்து விட்டு கருத்து சொல்லத் தயாராகக் காத்திருந்தார். முதலில் பாராட்டுகளைத் தெரிவித்து விட்டு, பின்னர் “இது போலப் பொத்தாம் பொதுவாகப் பூக்களையும், பறவைகளைக் குறிப்பிடக் கூடாது. அவற்றின் பெயர் என்ன, முடிந்தால் அவற்றைப் பற்றிய தகவல்களையும் சேகரித்துக் கூடவே பதிய வேண்டும்” என அன்போடு வலியுறுத்தினார். அப்போதிலிருந்தே கூடுமானவரை பூக்களின் பறவைகளின் பெயர்களை சரியாக அறிந்து பதிந்து வந்தேன். பின்னர் அதுவே “தெரிஞ்சுக்கலாம் வாங்க” எனும் பகுப்பின் கீழ் விரிவான தனிப்பதிவுகளாக மாறின. இன்று தினமலரின் மாணவர் பதிப்பான பட்டம் இதழிலும் வெளியாகி வருகின்றன. ஆர்வத்தை சரியான பாதையில் செலுத்த ஆலோசனை வழங்கிய அவருக்கு என் நன்றி.

 அந்த வரிசையில் முத்துச்சரத்தில் முன்னர் நான் பகிர்ந்த இரட்டைவால் குருவி பற்றி, 22 ஜூன் 2017 தினமலர் பட்டத்தில் வெளியான எனது பதினோராவது கட்டுரை:



நன்றி தினமலர் பட்டம்!

****
படத்துளிகள்:

இந்த தூறலின் படத்துளிகளாக திரு. கல்பட்டு நடராஜன் அவர்கள் எடுத்த கருப்பு வெள்ளைப் படங்கள் சில, உங்கள் பார்வைக்கு:

#
Did you do it? ஆள்காட்டிப் பறவை

#
பூநாரை பஞ்சுப் பொதிபோன்ற குஞ்சுகளுடன்..

#
தினகரன் வசந்தம் பேட்டியில் குறிப்பிட்டிருக்கும்
எட்டுவார முயற்சியில் படம் எடுத்த ஆந்தை!

கிராமப்புறக் காட்சிகள்
#

#

#
*****

Saturday, July 15, 2017

எந்த மனிதனாலும் அடைக்க முடியாத கதவுகள்

#1
வாழ்க்கை கடினமானது.
ஏன், அதை எதிர்கொள்ளும் நீங்களும் கூடதான்!

#2
"புன்னகை புரியுங்கள், ஏனெனில் அது எளிதானது.. இனிதானது.."


#3
“இடர்கள் கொண்டதே வாழ்க்கை - அதனால் என்ன?”
_Malcolm Bradbury

Sunday, July 2, 2017

புதுப் புது வாய்ப்புகள்

என் வீட்டுத் தோட்டத்தில்.. (பாகம் 19)

#1
“விட்டு விடும் எண்ணம் தோன்றுகையில்தான்
இன்னும் கெட்டியாகப் பற்றிக் கொள்ள வேண்டும்..!”

#2
‘உங்கள் இலக்கை விட்டுத் திசை திருப்பச் செய்யும் 
எவற்றின் மீதும் கவனத்தை இழக்காதீர்கள்!


#3
‘சின்ன விஷயங்களாக இருக்கலாம். 
ஆனால் அவையே அதி முக்கியமானவையாகவும் இருக்கின்றன.’

Friday, June 23, 2017

மரணம் இல்லாத வாழ்க்கை

#1
‘வாழ்க்கையை முழுமையாக வாழுங்கள்!’

#2
"மற்றவர்களை அறிந்து கொள்வது மெய்யறிவு,  
உன்னை நீ அறிந்து கொள்வது ஞானம்" 
- Lao Tzu 


#3
“ஒரு வாசகன் மரணிக்கும் முன் ஆயிரம் வாழ்க்கைகளை வாழ்ந்து விடுகிறான். எதுவுமே வாசிக்காதவன் ஒரே ஒரு வாழ்க்கையை மட்டுமே வாழ்கிறான்.”_George R.R. Martin

LinkWithin

Related Posts Plugin for WordPress, Blogger...
Blog Widget by LinkWithin