Monday, September 28, 2020

உங்கள் குரல்

 என் வீட்டுத் தோட்டத்தில்.. - பாகம் (81)  

பறவை பார்ப்போம் - பாகம் (54)

ஜூன் மாதத்தில் ‘திசை மாறிய பறவைகள்’ பதிவில் பெற்றோரைக் காணாத் தவித்த இந்திய சாம்பல் இருவாச்சிப் பறவையைப் பற்றிச் சொல்லியிருந்தேன். அதே பறவைதான் இது. அடுத்த ஓரிரு வாரங்களும் எங்கள் குடியிருப்பின் மரங்களில் அங்கும் இங்குமாகத் தனித்து அல்லாடிக் கொண்டிருந்த போது எடுத்த படங்கள். கால இடைவெளி விட்டு ஒவ்வொரு படமாக ஃப்ளிக்கரில் பதிந்த போது தோழி ஒருவர் கேட்டார் “அபூர்வமாய்க் காணக் கிடைக்கும் இருவாச்சிப் பறவை இப்போதெல்லாம் அடிக்கடி உங்கள் தோட்டத்திற்கு வருகிறதா?” என்று. ‘இல்லை’, ஒரே நேரத்தில் எடுத்தவற்றைதான் இடைவெளி விட்டுப் பகிர்வதாகச் சொன்னேன். பிறகு யோசித்துப் பார்க்கையில் சென்ற வருடமும் இந்த வருடமும் சரியாக ஜூன் மாதத்தில் இருவாச்சி ஜோடி எங்கள் குடியிருப்பின் கடைசி வீட்டுத் தோட்டத்து மரத்தில் கூடு கட்டி, குஞ்சுகள் வெளிவந்ததும் சில வாரங்களில் விட்டுவிட்டுப் போயிருப்பது கவனத்திற்கு வந்தது. இப்போது இந்தக் குஞ்சுப் பறவையும் சில காலம் இங்கே சுற்றித் திரிந்து காணாது போய் விட்டது. இனி இவற்றை அடுத்த ஜுன் மாதம் எதிர்பார்க்கலாமோ? 

விதம் விதமாக போஸ் கொடுத்த இருவாச்சியின் படங்களுடன் பொன்மொழிகளின் தமிழாக்கம்:

#1
பலன்களின் மேல் கவனத்தை வை, 
தடைகளின் மேல் அல்ல!


#2
“அழகென்பது உங்களை நீங்களே ஆராதிப்பது. 
உங்களை நீங்கள் விரும்பும் போதுதான்

Wednesday, September 16, 2020

அதோ அந்தப் பறவை போல... - கைக்கொண்டன ஹள்ளி ஏரி (பெங்களூர்)

#1

பெங்களூரின் கைக்கொண்டன(ர)ஹள்ளி ஏரிக்கு கடந்த பிப்ரவரி மாதத்தில் ஒரு வாரயிறுதி நாளில் சென்றிருந்த போது எடுத்த படங்கள்.. என்றைக்கு நோய்த்தொற்று அச்சம் நீங்கி இந்தப் பறவைகளைப் போல சுத்தமானக் காற்றைச் சுவாசித்து, சுதந்திரமாக வெளியில் சென்று வரப் போகிறோமோ, எனும் ஏக்கம் எழத்தான் செய்கிறது!

#2

இந்த ஏரியைப் பற்றி 6 ஆண்டுகளுக்கு முன், தொடராக 3 பதிவுகள் இட்டிருந்தேன். அதிலொரு பதிவில் எப்படி அப்பகுதி மக்கள் மாநகராட்சியுடன் கைகோர்த்து ஏரியைத் தூர் வாரி, புனரமைப்பு செய்து மக்களுக்கும், பறவைகள் மற்றும் நீர்வாழ் உயிரனங்களுக்கும் பயனாகும்படி செய்தார்கள் என்பதைப் பற்றியும் விரிவாகச் சொல்லியிருந்தேன்:

ஆறு ஆண்டுகள் இடைவெளியில் பராமரிப்பு மோசமில்லை என்றாலும் அன்று பார்த்தது போல பசுமை சூழ்ந்த பூச்செடிகள், சீரான நடை பாதை ஆகியன இப்போது இல்லை என்பதைச் சொல்லியாக வேண்டும். ஆனால் ஏரியில் நீரும், பறவைகளின் வரவும் எப்போதும் போலவே உள்ளன. இது போன்ற பெரிய ஏரிகளிலுள்ள பறவைகளைப் படமாக்க 300mm ஜூம் வசதி போதுமானதாக இல்லை. இருந்தாலும் எடுத்த படங்களில் சில தொகுப்பாக இங்கே..

#3
காலை வெயிலில்
குளிர் காயும்
கூழைக்கடா

Sunday, September 13, 2020

மனந்தடு மாறேல்

லெபக்ஷி கோயிலுக்குச் சென்றிருந்த போது படமாக்கிய வானரர்களின் படங்களை இங்கே பகிர்ந்திருந்தேன். அதன் தொடர்ச்சியாக மீதிப் படங்களும்.. 

#1
"எந்த ஒரு வானரமும் வாழைப் பழத்தை அடைந்து விட முடியும்.
ஆனால் மனிதன் மட்டுமே வானத்து நட்சத்திரங்களை அடைய முடியும்."




#2
"உங்கள் கட்டுப்பாட்டில் இல்லாதவற்றைக் குறித்துக் கவலை கொள்ளாதீர்கள்."

Sunday, September 6, 2020

சொற்திறன்

என் வீட்டுத் தோட்டத்தில்.. - பாகம் (80)
பறவை பார்ப்போம் - பாகம் (52)


#1
உங்களுக்குச் சவாலாக இருப்பவற்றைக் குறைத்துக் கொள்ளாதீர்கள்
மாறாக உங்கள் குறைபாடுகளுக்குச் சவால் விடுங்கள்!”
― Jerry Dunn

#2
பாட விரும்புகிறர்களுக்கு 
எப்போதும் ஒரு பாடல் கிடைத்து விடுகிறது!

#3
“உங்கள் மனதிலிருப்பதை 
நா சரியாக வெளிப்படுத்துமானால் 
நீங்கள் ஒரு சிறந்த பேச்சாளர்.”

Thursday, September 3, 2020

உழுவோர் உழைப்பால் உலகோர் பிழைப்பார்

ர் முடக்கம் தொடங்கிய நாளிலிருந்து குடியிருப்பு வளாகத்தில் நடைப் பயிற்சி செய்பவர்கள் முகக் கவசம் அணிவது கட்டாயமாக்கப் பட்டது. முதலிரு மாதங்கள் பலரும் வெளியில் வரவே யோசித்தார்கள். அப்போது கை கொடுத்தது அவரவர் வீட்டு மொட்டை மாடிகள். இப்போது நட்புகளோடு சேர்ந்து முகக் கவசத்துடன் முன் போலவே நடைப் பயிற்சி செய்கிறார்கள். ஆனால் எனக்கென்னவோ முகக் கவசத்துடன் நடைப் பயிற்சி செய்வது சீரான சுவாசத்திற்கு இடையூறாக இருப்பதாகவே தோன்றுகிறது. ஆகையால் மொட்டை மாடியிலேயே தொடருகிறேன். அப்படிச் செல்லும் வேளையில் பின்பக்கமிருக்கும் வயல் வெளியில் கடந்த 4,5 மாதங்களாக நடக்கும் உழவு வேலைகளைத் தொடர்ந்து கவனிக்க முடிந்தது.  அதன் மேல் சுவாரஸ்யமும் ஏற்பட்டது. பரந்து விரிந்த வானம், பஞ்சுப் பஞ்சாக மேகக் கூட்டம், பச்சை வயல், செம்மண் பூமி, அதில் உழவு, நடவு என அவ்வப்போது படமாக்கிய சிலபல காட்சிகளின் தொகுப்பு இங்கே. 

#1
“உங்கள் மனநிலை எப்படி இருப்பினும், 
இயற்கைக்கு அருகே எப்போதும் 
அமைதியாக உணர்வீர்கள்!”


#2
பரம்படித்த நிலம்
(மண் பரப்பில் உள்ள கட்டிகளை உடைத்து 
சீராக மண்ணைப் பரவச் செய்தல்)

#3
“உடையவன் பாராப் பயிர் உருப்படுமா?”

Sunday, August 30, 2020

உன்னுள் ஓடும் நதி

என் வீட்டுத் தோட்டத்தில்.. - பாகம் (79)

#1
“அழகென்பது குறைகள் அற்றதன்று. 
அது உங்கள் குறைகளையும் தாண்டி மிளிர்வது.”

#2
“போட்டி இல்லையேல், 
வளர்ச்சி இல்லை.”
_Bela Karolyi

Wednesday, August 26, 2020

இருவாச்சி விருந்து - நவீன விருட்சம் 113_வது இதழில்..

இருவாச்சி விருந்து



பூனை சாமர்த்தியமானது.
உயிர்த் தொகையைக் குறைப்பதில்
பெரும்பங்கு வகிப்பது.
பூனை வேகமாகப் பாயும் போது
இரையும் நொடியில் மாண்டு போகிறது.
பூனைக்கு அதிகமாய் பசியெடுக்கும் போது
இரைகளுக்கு இதயத் துடிப்பு அதிகரிக்கிறது.

Wednesday, August 19, 2020

181_வது உலக ஒளிப்பட தினம்

ஆகஸ்ட் 19, இன்று 181_வது உலக ஒளிப்படதினம். 
#1
லக ஒளிப்பட தினம் ஒளிப்படக்கலையின் வரலாற்றுக்கு மரியாதை செய்யும் விதமாகவும், நிகழ்காலத்தில் கலையைக் கொண்டாடவும், வருங்காலத்திற்கு ஒரு வழித்தடமாக அமையவும் 1839_ஆம் ஆண்டிலிருந்து அனுசரிக்கப்பட்டு வருகிறது.

பிரான்ஸ் நாட்டில் லூயி டகர் என்பவரின் கண்டுபிடிப்பான டகரியோடைப் எனும் ஒளிப்படக்கலைக்கான வழிமுறையை 9 ஜனவரி 1836 அன்று ஃப்ரெஞ்ச் அகடமி ஆஃப் சயின்ஸ் வெளியிட்டது. சில மாதங்கள் கழித்து பிரான்ஸ் அரசாங்கம் அந்தக் கண்டுபிடிப்பை உலகிற்கு இலவசப் பரிசாக வழங்கியது. அந்த நாளே கடந்த 181 வருடங்களாக உலக ஒளிப்பட தினமாக உலகெங்கிலும் அனுசரிக்கப்பட்டு வருகிறது.

ன்றைய தினத்திற்காக ஃப்ளிக்கர் தளத்தில் பதிந்த படங்கள்:

#2
“உங்களது மிக முக்கியமான ஒளிப்படக் கருவி 
உங்களது கண், இதயம் மற்றும் ஆன்மா!”

Sunday, August 16, 2020

ஒற்றை நூலிழை

என் வீட்டுத் தோட்டத்தில்.. - பாகம் (78)
#1
"மழையின் துளிகள் 
மண்ணுக்கு மட்டுமல்ல 
மனதுக்கும் ஆறுதல்"
_ Moulima Chatterjee


#2
உங்கள் இதயம் சொல்லும் வழியில் செல்லாதிருக்க 
எந்த ஒரு காரணமும் இல்லை.

_Steve Jobs 

#3
"உண்மையில் எந்த வார்த்தைகளை விடவும் 
உரக்கப் பேசும் சக்தி வாய்ந்தது

Sunday, August 9, 2020

நீயொன்றும் மரமில்லை..

#1
புதுத் தளிர்களை எதிர் நோக்கி நிற்கும் மரங்கள் 
கற்பிக்கின்றன 
இறந்த காலத்தை எப்படிக் கடந்து வருவதென்பதை.. 

#2
“உறுதியான வேர்களைக் கொண்ட மரங்கள்
புயல்களைப் புன்னகையோடு எதிர்கொள்கின்றன!”

Wednesday, August 5, 2020

முதல் கனி.. கன மழை.. அதிசய மலர்..

என் வீட்டுத் தோட்டத்தில்.. - பாகம் (77)
#1

நான்கு வருடங்களில் பல முறைகள் முயன்றும் 3,4 அடிகள் வளர்ந்து பின் சரியாக வராமல் போய்க் கொண்டிருந்தது தோட்டத்தில் பப்பாளி. இந்த முறை அருகருகே இரண்டு மரங்கள் ஆறடி உயரம் தாண்டி வளர்ந்து கொண்டிருக்கின்றன. அதில் ஒரு மரம் குடை போல விரிந்து பரந்து, காயும் கனியும் பூவுமாக. முதல் விளைச்சலின் முதல் கனி.. வெட்டிய பிறகு தெரிய வந்தது விதையற்ற வகை (Parthenocarpic) என்பது. சுவை அபாரம்!

#2



ப்போது பெங்களூரின் சீதோஷணம் பிரமாதமாக உள்ளது, மழையும் சாரலும் குளிர்ந்த காற்றுமாக. 

Sunday, August 2, 2020

கனிகள்.. இயற்கையின் கற்கண்டுகள்..

ர் முடக்கமாகியுள்ள இந்த வேளையில் புகைப்படங்கள் எடுப்பதற்கென்றே அவ்வப்போது மேற்கொள்ளும் சிறு பயணங்கள் (ஃபோட்டோ வாக்) இப்போது சாத்தியப்படவில்லை. இயற்கையும், தோட்டமும், தேடி வரும் பறவைகளும் தொய்வின்றிப் புகைப்படத் தொகுப்புக்கு உதவி வருகின்றன என்றாலும் ஒரே விதமாகச் செல்ல வேண்டாமென நினைத்த போது கோடை சீசனில் கிடைத்த பழங்கள் கை கொடுத்தன. ‘டேபிள் டாப்’ புகைப்படங்களாக ஃப்ளிக்கரில் பகிர்ந்தவை உங்கள் பார்வைக்கு.. 


ரம்புட்டான்
#1

#2
நாவல் பழம்


#3
மங்குஸ்தான்

Sunday, July 26, 2020

நீரூற்று

என் வீட்டுத் தோட்டத்தில்.. - பாகம் (76

#1`
“உங்கள் எண்ணங்கள் மேல் மண்ணைப் போட்டு மூடாதீர்கள்.
உங்கள் தொலை நோக்குப் பார்வையை நிஜம் ஆக்கிடுங்கள்.”
_Bob Marley



#2
“அச்சத்தை விடவும் வலிமையானது, 
நம்பிக்கை!”

Friday, July 24, 2020

க. அம்சப்ரியாவின் ‘தனிமையில் அலையும் தனிமை’ - ஒரு பார்வை (கீற்று மின்னிதழில்..)

ரு மேகத்தைப் போலத் தனிமையில் அலைந்தேன்” வில்லியம் வொர்ட்ஸ்வொர்த் எழுதிய இந்த ஆங்கிலக் கவிதை புகழ் பெற்றதும், மிக விரும்பப் பட்டதும் ஆகும். தனித்த மேகம், மலைகள் மற்றும் பெருவெளிகளின் மேல், வானத்தில் மிதப்பதைப் போலத் தான் தனித்து நடப்பதாகச் சொல்லியிருப்பார். ஜான் கீட்ஸ் ‘தனிமைக்கு’ என்ற கவிதையில் மகிழ்ச்சியற்ற நகர வாழ்வைப் பற்றிக் குறிப்பிட்டு,

Sunday, July 19, 2020

கல்கியில் நான்

79 வருடப் பாரம்பரியத்துடன் இயங்கி வந்த கல்கி வாரயிதழ் தன் அச்சுப் பிரதியை நிறுத்திக் கொள்வதாக அறிவித்திருப்பது அதனைப் பல்லாண்டுகளாக வாசித்து வரும் வாசகர்களுக்கு மன வருத்தத்தைத் தந்துள்ளது.  கல்கியின் 41 இதழ்களில் எனது பங்களிப்பு இருந்திருப்பதை நன்றியுடன் இந்த நேரத்தில் நினைவு கூர்கிறேன்.

Tuesday, July 14, 2020

சூரியத் துளிகள் ( Yellow Alder ) - என் வீட்டுத் தோட்டத்தில்.. - பாகம் (75)

#1

ங்கள் வீட்டுத் தோட்டத்தில் இருக்கும் இந்தச் செடியின் சின்னஞ்சிறு மஞ்சள் மலர்களைப் பலமுறைகள் பலவித கோணங்களில் எனது புகைப்படத் தொகுப்புகளில் நீங்கள் பார்த்திருக்கக் கூடும். 
#2

இந்தச் செடியைப் பற்றிய சில ஆச்சரிமானத் தகவல்களையும் பகிர்ந்திட வேண்டுமென நீண்ட நாட்களாக நினைத்திருந்தேன். சமீபத்தில் அவ்வப்போது அதற்காகப் புகைப்படங்களும் எடுத்து வைத்தேன்.

யெல்லோ ஆல்டர் (yellow alder) எனப்படும் இந்த மலர்ச்செடியின் தாவரவியல் பெயர் Turnera ulmifolia. இது Passifloraceae தாவரக் குடும்பத்தைச் சேர்ந்தது. புதராக விரிந்து வளரும் இச்செடி ஆண்டு முழுவதும் வாடாமல் வாழும் ( perennial ) வகையைச் சேர்ந்தது. இதற்கு ‘ஸன் ட்ராப்ஸ் (Sun Drops)’ எனும் பெயரும் உண்டு. அது ஏன் மிகப் பொருத்தமானப் பெயர் என்பதையும் பார்ப்போம்.

#3

இச்செடியின் சிறப்பு, 

Sunday, July 5, 2020

நிலாரசிகனின் 'கடலில் வசிக்கும் பறவை' - ஒரு பார்வை (கீற்று மின்னிதழில்..)

பரிமிதமான ஆற்றலைக் கொண்ட, எந்தவொரு திட்டமிடலும் இல்லாத கலை.” இது கவிதையின் பிரவாகத்தைப் பற்றியப் பேச்சு வருகையில் ஆங்கிலக் கவிஞர் ஷெல்லி தனது ‘ஸ்கைலார்க்’ (வானம்பாடி) கவிதையையே எடுத்துக்காட்டாகக் கொண்டு குறிப்பிட்டது. ஷெல்லியின் இக்கூற்று நிலாரசிகன் எனும் ராஜேஷ் வைரபாண்டியனின் “கடலில் வசிக்கும் பறவை” நூலில் இருக்கும் 60 கவிதைகளுக்கும் பொருந்தும். ஒருவர் தனது ஆன்மாவின் அடி ஆழத்தை உணர்ந்தால் மட்டுமே இத்தகுக் கவிதைகளை வடிக்க இயலும்.

Sunday, June 28, 2020

நாட்களை எண்ணாதே..

கூழுக்கு மாங்காய் கொண்டாட்டம். குரங்குக்குத் தேங்காய் கொண்டாட்டம்’ என்றொரு பழமொழி உண்டு. அதே போல வாழைப்பழமும் அவற்றுக்கும் பிடித்தமானவை. சென்ற டிசம்பரில் லெபக்ஷி சென்று வந்த அனுபவத்தைப் படங்களுடன் 4 பாகங்களாகப் பகிர்ந்திருந்தேன்: https://tamilamudam.blogspot.com/search/label/Lepakshi இந்த வானரங்களின் படங்கள் அங்கே எடுத்தவை. ஃப்ளிக்கர் தளத்தில் பகிர்ந்தவை. இவை போக மேலும் சில வானரங்களை விதம் விதமாகக் காட்சிப் படுத்தியிருக்கிறேன்.  அவற்றை பிறிதொரு ஞாயிறு பார்க்கலாம். இந்தப் பதிவில் பெரிய குரங்கின் படமொன்றும் ஒரு மிக அழகிய குட்டிக் குரங்கின் 4 படங்களும்....


#1
"அழகு என்பது 
பரிசுத்தமான களங்கமற்ற 
ஆன்மாவினால் வெளிப்படுவது."
_  Vishal Arora


#2
"சாதாரண விஷயங்களை 
அசாதாரணக் கண்களால் காணுங்கள்."
_Vico Magistretti

Sunday, June 14, 2020

திசை மாறிய பறவைகள்

என் வீட்டுத் தோட்டத்தில்.. - பாகம் (74
பறவை பார்ப்போம் - பாகம் (51)
#1
“வளர்ச்சி வலி கொண்டது. மாற்றம் வலி கொண்டது. 
ஆனால் நமக்குச் சற்றும் சொந்தமில்லாத இடத்தில் 
மாட்டிக் கொள்வதைப் போன்ற வலி 
வேறெதுவும் இல்லை.”
_Mandy Hale

ந்த வார வாழ்வியல் சிந்தனைகளோடு பகிர்ந்திருக்கும் படங்களின் பின்னணியையும் சொல்லி விடுகிறேன். முதலிரண்டு படங்களும் சரியாக இருவாரங்களுக்கு முன் எடுத்தவை. அப்போதுதான் பெங்களூரில் தொடங்கியிருந்தது மழைசீஸன். இரவெல்லாம் பெருமழை. அத்தோடு காற்றும் பயங்கரமாக வீசி அடித்தது. மறுநாள் காலை..

Sunday, June 7, 2020

முதலும் முடிவும்

என் வீட்டுத் தோட்டத்தில்.. - பாகம் (73) 
#1
“நம்பிக்கை என்பது விழித்துக் கொள்கிற கனவு.”
_Aristotle


#2
“நீங்கள் எங்கிருந்து வருகிறீர்கள் என்பது ஒரு பொருட்டேயில்லை.

Friday, June 5, 2020

இப்போது வானில்.. ஸ்ட்ராபெர்ரி நிலவு..

Exif: 1/125s, f/13,
 ISO 100
Focal length: 300mm
#HandHeld 

இன்று 5 ஜூன் 2020 சந்திரக் கிரகணம்:

இந்த ஆண்டின் இரண்டாவது பெனும்ப்ரல் சந்திரக் கிரகணம் இன்றிரவு.. இதோ இப்போது நிகழ்ந்து கொண்டிருக்கிறது.  இது நிலவு தேய்ந்து மீண்டும் வளரும் பூரணச் சந்திரக் கிரகணம் இல்லை. பூரணக் கிரகணத்தின் போது சூரியன், பூமி மற்றும் நிலவு ஆகிய மூன்றுமே ஒரே நேர்கோட்டில் வரும். அப்படி இல்லாமல் சூரியனின் கதிர்கள் பூமி மேல் விழுகையில், பூமியின் மங்கலான penumbra எனும் அரைநிழற் பகுதியை  நிலவு கடந்து செல்வதையே ஆங்கிலத்தில் Penumbral Lunar Eclipse என்கிறார்கள். நிலவின் தேய்வும் மிகமிகச் சிறிதாக நாம் சாதாரணமாப் பார்க்கையில் உணர முடியாதபடியே இருக்கும். டெலஸ்கோப் மூலமாகதான் தேய்வை உணர முடியும்.

இந்திய நேரப்படி, இன்றிரவு சுமார் 10.30 மணி முதல் நாளை  அதிகாலை 2.40 மணி வரை நீடிக்கும் சந்திர கிரகணம்  இரவு 12.40 மணியளவில் முழுமையான அளவை எட்டும் என்கிறார்கள். இந்த நேரத்தில் நாம் எப்போதும் பார்க்கும் வழக்கமான பிரகாசத்தோடு இருக்காதாம் முழுநிலவு.

ஸ்ட்ராபெர்ரி மூன்:

பொதுவாக ஜூன் மாத நிலவை ஸ்ட்ராபெர்ரி மூன் என்கிறார்கள். Honey Moon, the Mead Moon(தேனில் தயாரிக்கப்படும் பானம்), and Rose Moon போன்ற பெயர்களும் உண்டு. The Maine farmer's almanac_படி ஒவ்வொரு மாதத்தின் முழு நிலவுக்கும் ஒரு பெயர் வழங்கப் படுகிறது. 

முன்னரே ஒரு பதிவில் சொல்லியிருக்கிறேன், ஃபார்மர்ஸ் அல்மனாக் என்பது ஓரளவுக்கு நம்ம ஊர் பஞ்சாங்கம் போல.

Sunday, May 31, 2020

பெரிய நிழல்கள்

#1
“பயம், நாம் ஆற்றும் எதிர்வினை.
தைரியம், நாம் எடுக்கும் முடிவு!”

#2
“இந்த உலகில் தன்னை விடவும் உங்களை அதிகமாக நேசிப்பது நாய் மட்டுமே..”
_ Josh Billings

#3
“எதற்கெல்லாம் அஞ்சக் கூடாதென்பதை 
அறிந்திருப்பதே தைரியம்.” 
Plato

Thursday, May 28, 2020

இது எங்கள் தேசம்!? - 'கீற்று’ மின்னிதழில்..

இது எங்கள் தேசம்!?


வீட்டை மறந்து
ஊரைத் துறந்து
உறவைப் பிரிந்து
மாநிலங்கள் தாண்டி
வாழ்வாதாரம் வேண்டி
துணிந்து இடம் பெயர்ந்தோம்
என்ன இடர் வரினும் காக்கும்
எங்கள் தேசம் என.

வானுயர்ந்த
கட்டிடங்களுக்காகவும்
வளைந்து நீண்ட
பாலங்களுக்காகவும்
மொழி அறியா ஊர்களில்

Thursday, May 21, 2020

க. அம்சப்ரியாவின் “வகுப்பறையே ஒரு வரம்தான்.. ” - மதிப்புரை.. ‘புத்தகம் பேசுது’ இதழில்..


வழிநடத்தும் ஒளிவிளக்கு..

சிரியர் மாணவர்களுக்கு அர்ப்பணிக்கும் நேரம், கொடுக்கும் சுதந்திரம், மாணவர்கள் ஆசிரியர் மேல் வைக்கும் நம்பிக்கை, அன்பினால் உருவாகும் மதிப்பு இவை ஒன்று கூடும் இடத்தில் உன்னதமான ஆசிரியர்களையும் சிறந்த மாணவர்களையும் இந்தச் சமுதாயம் கண்டடைகிறது. மாணவர்களின் வாழ்கையை மாற்றி அமைக்கும் சக்தி, குறிப்பாகத் திசை மாறிச் செல்லும் சிறுவர்களின் வாழ்க்கையில் திடீர் திருப்பங்களைக் கொண்டு வந்து, தாமாக அவர்கள் ஒருபோதும் கண்டு பிடித்திடச் சாத்தியப்படாத சரியான பாதைக்குக் கொண்டு செல்லும் சக்தி ஆசிரியருக்கு உண்டு. மாணவர்கள் பாடங்களைக் கற்றுத் தேர்வதில் மட்டுமின்றி, சமுதாயத்தை நேர் கொள்ளச் சிறந்த பண்புகளையும் கற்றுத் தேர்ந்தால் மட்டுமே ஆசிரியரின் பணி முழுமையடைகிறது. அக்கறையுடன் இதை மனதில் நிறுத்தி செயல்படும், 19 ஆண்டுகளாகத் தமிழ் துறையில் பணியாற்றும் ஒரு ஆசிரியரே, இந்நூலின் ஆசிரியர் என்பது கவனத்திற்குரிய சிறப்பம்சம்.

மாணவர்கள் தமது திறமைகளில் நம்பிக்கை வைத்து, தமக்கும் சமுதாயத்துக்கும் அந்தத் திறமை பயன்படும் வகையில் தம்மை மாற்றிக் கொள்ளவும் உயர்த்திக் கொள்ளவும் வழி காட்டுகிறார் ஆசிரியர் க.அம்சப்ரியா. எதைச் சிந்திக்க வேண்டும் என்பதை விட எப்படிச் சிந்திக்க வேண்டும் என்பதை விளக்குகிறார். “எங்கெல்லாம் கற்றுக் கொள்வதற்கான சூழல் அமைகிறதோ,

Sunday, May 17, 2020

விரும்பியது கிடைக்காமை

என் வீட்டுத் தோட்டத்தில்.. - பாகம் (72) 
பறவை பார்ப்போம் - பாகம் (50)

#1
“நமது உடல், அறிவு மற்றும் மனதில் நிரம்பியிருக்கும் நம்பிக்கையே
நம்மைப் புதிய சாகசங்களைப் புரிய அனுமதிக்கிறது.”


#2
“பிறர் உங்களைப் பற்றி என்ன சொல்கிறார்கள் என்பதை 
உங்களைப் பற்றி நீங்கள் அறிந்திருப்பதோடு 
ஒருபோதும் குழப்பிக் கொள்ளாதீர்கள்!”

Friday, May 1, 2020

மே தினம் - கொரோனா


லகமே கொரனாவால் ஸ்தம்பித்து நிற்கிறது.  இந்தியாவில், பிழைப்புக்காக வேறு மாநிலங்களில் வசித்து வந்த உழைப்பாளிகள் ஊரடங்கு உத்திரவு வந்ததும் உணவுக்கு வழியில்லாத நிலையில் சொந்த ஊர்களை நோக்கி இன்னமும் கால்நடையாகப் பயணித்துக் கொண்டிருக்கிறார்கள், கிடைத்ததை உண்டு, கிடைத்த இடத்தில் உறங்கி. இந்தப் பயணத்தை எதிர் கொள்ள இயலாமல் பெண்களும், குழந்தைகளும் இறந்து போகும் செய்திகளும் வருகின்றன. தற்போது அரசு அவர்களுக்காக இரயில்களை இயக்க ஆரம்பித்திருப்பது ஆறுதல்.

நோய் வராமல் பாதுகாத்துக் கொள்வது முதன்மையானதாக இருக்கும் இந்தச் சூழலில்,  பலதரப்பட்ட துறைகளும் முடங்கியதால் அன்றாட உழைப்பில் வாழ்பவர்கள் உட்பட மக்கள் எதிர்கொண்டு வரும் பிரச்சனைகள் ஏராளம். விரைவில் அனைத்துக்கும் தீர்வு வரட்டுமாக!

கொரானா நோயாளிகளுக்காக உழைக்கும் மருத்துவர்கள், செவிலியர்கள், துப்புறவுத் தொளிலாளர்களை வாழ்த்துவோம்.

மே தின வாழ்த்துகள்!

டந்த ஒரு வருடத்தில் ஃப்ளிக்கர் பக்கத்தில் பகிர்ந்த, உழைப்பாளர்களின் படங்கள்... தொகுப்பாக.. இங்கே..

#2

#3

Sunday, March 29, 2020

ஆன்ம ஒளி

என் வீட்டுத் தோட்டத்தில்.. - பாகம் (71) 
#1
"நம்பிக்கை என்பது 
அத்தனை இருளிலும் 
வெளிச்சத்தைப் பார்க்க முடிவது."
_ Desmond Tutu


#2
மெதுவாக.. 
ஆனால்
நிச்சயமாக..

Tuesday, March 24, 2020

கதை சொல்லும் கற்சிற்பங்கள் - லெபக்ஷி, ஆந்திரா (4)

#1
வ்வொரு கல்லும் தனக்குள் ஒரு கதையை வைத்திருக்கும் ஆச்சரியங்கள் கொண்ட ஸ்தலம் லெபக்ஷி வீரபத்திரர் கோயில்.

நாட்டிய மண்டபத்தின் முதல் சுற்றிலுள்ள 12 தூண்களில் பிரம்மா, சிவன், பார்வதி, சூரியர் , சந்திரர், நடராஜர், தத்தாத்ரேயா(பிரம்மா, விஷ்ணு, சிவன் மூவரையும் உள்ளடக்கிய கடவுள்), சண்டேஸ்வரர், ரித்தேஷ்வர், வராகர், நந்தி மற்றும் நாட்டியத் தாரகை ரம்பை ஆகியோரின் சிற்பங்கள் இடம் பெற்றுள்ளன.

#2

Sunday, March 15, 2020

செய்வன செய்

 என் வீட்டுத் தோட்டத்தில்.. - பாகம் (70) 
பறவை பார்ப்போம் - பாகம் (49)
#1
"வேலை செய்வதில் நமக்குக் கிடைக்கும் திருப்தியைப் போல் சிறந்தது  
வேறெதுவும் இல்லை."

#2
"இருபறவைகள் 
ஒரே பாடலை 
ஒருபோதும் பாடியதில்லை."

#3
"நான் சரியாக நடக்கும் போது 
எவரும் அதை நினைவில் வைப்பதில்லை. 

Tuesday, March 10, 2020

பிரமாண்ட நந்தி.. உலகின் 2_வது பெரிய ஒற்றைக்கல் சிற்பம்.. - லெபக்ஷி, ஆந்திரா (3)

லெபக்ஷியில், வீரபத்திரர் கோயிலை அடுத்து, முக்கியமான மற்றுமோர் ஈர்ப்பு ஒரேக் கருங்கல்லில் செதுக்கப்பட்ட நந்தி.

#1


20 அடி உயரமும் 32 அடி நீளமும் கொண்டது. இந்த பிரமாண்டமான அளவுக்காக நுணுக்கமான வேலைப்பாடுகளில் எந்த சமரசம் செய்து கொள்ளாதது சிறப்பு.

#2

இந்த பிரமாண்டமான நந்தி, வீரபத்திரர் கோயிலுக்குச் சென்றடைவதற்கு அரைக் கிலோ மீட்டர் முன்னதாகவே சாலைக்கு வலப்பக்கத்திலிருக்கும் அழகிய பூங்காவின் நடுவே கம்பீரமாகக் காட்சி அளிக்கிறது. 

#3

Sunday, March 8, 2020

பெண்மொழி - உடைபடும் மெளனங்கள் - மகளிர் தின வாழ்த்துகள்!


த்திராஜ் கல்லூரியில் தமிழ்த்துறைப் பேராசிரியராகப் பணியாற்றி ஓய்வு பெற்ற முனைவர் இரா பிரேமா அவர்கள் தொகுத்துள்ள இந்நூலில் கடந்த அரைநூற்றாண்டில் பெண் எழுத்தாளர்களால் எழுதப்பட்ட பெண்களின் வலியைப் பேசும் 30 கதைகள் தொகுக்கப்பட்டுள்ளன. நான் எழுதிய ‘அவளும் நோக்கினாள்’ கதையும் இடம் பெற்றுள்ளது:

‘பாரதி புத்தகாலயம்’ வெளியீடான இந்நூலின் அணிந்துரையிலிருந்து முனைவர் இரா பிரேமாவின் வரிகள் சிலவற்றையும் மகளிர் தினமான இன்று இங்கு பகிர்ந்து கொள்கிறேன்:

*ந்தத் தொகுதியில் உள்ள கதைகளை எழுதிய ஒவ்வொரு எழுத்தாளர்களுமே பெண்களின் வாழ்க்கையின் மீதும், சமூக இருத்தலின் மீதும், ஆழ்ந்த சிந்தனையும், கவலையும் பொறுப்புணர்வும் கொண்டவர்களாக விளங்குகின்றனர். இந்தக் கதைகளை ஒட்டு மொத்தமாக அலசி ஆராய்ந்த பொழுது,

Sunday, March 1, 2020

உரத்துச் சொல்

என் வீட்டுத் தோட்டத்தில்.. - பாகம் (69) 

#1
“இது நான், 
இதோ இங்கே இருக்கிறேன்
நீங்கள் நினைத்தும் பார்த்திராதபடி
முன்னை விடவும் வலிமையாக..!”


#2
“உங்கள் வசதி வளையத்தை விட்டு 
வெளியே வரும்போதுதான் 
வாழ்க்கை ஆரம்பமாகிறது.”

#3
“சவால்கள் வாழ்க்கையை சுவாரஸ்யம் ஆக்குகின்றன. 
அவற்றை வெல்வது

Friday, February 28, 2020

சீதையின் பாதம்.. சிற்பக் கலைக்கூடம்.. - லெபக்ஷி, ஆந்திரா (பாகம்: 2)

#1


#2

வீரபத்திரர் ஆலயத்தின் உயர்ந்த கொடிமரத்தைத் தாண்டிக் கோயிலுக்குள் நுழைந்ததும் வரவேற்கிறது நாட்டிய மண்டபம். 

#3

Wednesday, February 26, 2020

எழு பறவையே.. - வீரபத்திரர் ஆலயம்.. - லெபக்ஷி, ஆந்திரா (பாகம்: 1)

#1

ந்திரப் பிரதேசத்திலுள்ள அனந்தப்பூர் மாநிலத்திலிருக்கும் சிறு கிராமம் லெபக்ஷி. பெங்களூரின் வடக்கு எல்லையிலிருந்து சுமார் 120 கி.மீ தொலைவில், ஹைதராபாத் சாலையில் பயணித்து ஆந்திராவுக்குள் நுழைந்ததும், இந்துப்பூருக்கு கிழக்கே 15 கி.மீ தொலைவில் உள்ளது.

இந்தக் கிராமத்தின் பெயர்க் காரணமும் வரலாற்றுப் பின்னணியும் நம்மை இதிகாசக் காலத்திற்குள் அழைத்துச் செல்கின்றன:

Sunday, February 23, 2020

பற்றுக பற்று விடற்கு

என் வீட்டுத் தோட்டத்தில்.. - பாகம் (68) 
#1
தேனால் நிரம்பியிருக்கின்றன பூக்கள்.
ஆனால் தேனீ மட்டுமே அதன் இனிப்பைக் கண்டு பிடிக்கிறது.
_Johann Wolfgang von Goethe


#2
உங்கள் இலக்கை நீங்கள் எட்ட விரும்பினால்,
அதை அடைவதற்கு முன்பாகவே அடைந்து விட்டதாக 
மனக் கண்களால் காண வேண்டும்.
 _ Zig Ziglar

#3
நீங்கள் நம்புகிற ஒன்றை 
ஒருபோதும் விட்டு விடாதீர்கள்.
– Steve Scalise

LinkWithin

Related Posts Plugin for WordPress, Blogger...
Blog Widget by LinkWithin