மீனம்மா - சென்டோசா, சிங்கப்பூர் (படங்களுடன் பாகம் 4)

# 1. தக தக தங்கமீன் (Parrot Fish)
செண்டோஸா தீவில் கடலுக்குக் கீழே நீளுகிறது பயணம் சுமார் 80 மீட்டர் ட்ரான்ஸ்பரெண்ட் அக்ரலிக் குகையினுள். 250 வகைகளில் 2500 கடல் வாழ் உயிரனங்களை மிக அருகாமையில் ரசிக்க முடிகிறது. மெதுவாக நகரும் தரை(moving travellator)யில் நின்றபடியே பயணிக்கலாம். சற்று நேரம் எடுத்து ரசிக்க விரும்பும் இடங்களில் வெளியேறிக் கொள்ளலாம்.

கண்ணாடியைத் தாண்டி நீரினைத் துழாவிச் சென்று கேமராவின் லென்ஸ் பதிவாக்கிய காட்சிகள் என்பது மட்டுமின்றி, அங்கிருந்த விளக்குகளின் ஒளியினால் ஏற்பட்ட பிரதிபலிப்பையும் தவிர்க்க இயலவில்லை. இருப்பினும் ஓரளவு நன்றாக வந்தவை உங்கள் பார்வைக்கு.

பூக்களைப் பறிக்காதீர்கள், தயவு செய்து தொடாதீர்கள் எனும் அறிவிப்புகளைப் பார்த்திருப்பீர்கள். இங்கே “வாங்க வாங்க வந்து தொட்டுப் பாருங்க” என்றே அறிவிப்பு வைத்திருக்கிறார்கள். ஆனால் “நீருக்கு வெளிய மட்டும் தூக்கிடாதீங்க” எனக் கேட்டுக் கொள்கிறார்கள்.

# 2


நான்கடி விட்டத்தில் தட்டையான தட்டு போன்ற அமைப்புடனும் இரண்டடிக்கு நீண்ட வாலுடனும் தொட்டியில் கிடக்கிற ரே-ray மீன்களையும் தொட்டுப் பார்த்துக் குதூகலிக்கிறார்கள் சிறுவர்களோடு பெரியவர்களும்:

#3 Ray Fish


#4
கூடவே வவ்வால் போலவும் சில மீன்கள்

ரே வகை மீன்கள் 2, 3 சென்டி மீட்டர் அளவிலும் நீந்திக் கொண்டிருந்தன வேறொரு கண்ணாடித் தொட்டிகளில்.

ஆரஞ்சு பிங்க் மஞ்சள் என விளக்கொளியில் வண்ணம் மாறி மாறி ஜொலிக்கின்றன நிறமற்ற ஜெல்லி மீன்கள்.

# 5 Jelly Fish



# 6


ஜாஸ் பட சுறா போல Grouper வகை மீன்கள் சில தலைக்கு மேலே நீத்திச் செல்கின்றன:

# 7


# 8



சில பெரிய மீன்கள் கண்ணாடி மேல் சாய்ந்து அசைவில்லாமல் தூங்கிக் கொண்டிருந்தன:
# 9 Grouper


# 10 அதே மீன் அருகாமையில்..


இப்படிக் கண்டிராத பளிச் வண்ணங்களில் வியக்க வைத்தன விதம் விதமான வகைகளில், வண்ணங்களில், அளவுகளில் மீன்கள்:

# 11


# 12 யார் தூரிகை தீட்டிய ஓவியம் ? (Blue Hippo Tang)


# 13 Moorish Idol Fish



# 14
வாள மீனோ..


# 15
விலாங்கு மீனோ:)?


# 16 Parrot Fish
தங்க மீன்கள் அரையடி உயரமும் ஒன்றரையடி நீளமுமாக..

அடிக்கடி யாரேனும் ‘வாவ் வாவ்’ எனக் குரல் எழுப்பியபடி இருக்கிறார்கள். இறைவனின் அற்புதப் படைப்புகள் இவையென நின்று நின்று ரசிக்கிறார்கள்.

இந்த அரங்கிலிருந்து வெளிவந்ததும் அடுத்து டால்ஃபின் காட்சிக்குச் சென்றோம். அது குறித்தப் பகிர்வு அடுத்த பாகத்தில்..

ஒரு வருடத்துக்கு சுமார் ஐம்பது இலட்சம் பேர்கள் இங்கு வருவதாகச் சொல்லப்படுகிறது.

# 17

சாலைவழி, கேபிள் வாகனங்களில் வருபவர் போக இந்த மோனோ ரயிலும் இடைவிடாமல் மேலும் கீழும் போய் வந்தபடியே இருந்தது கவனித்த அரைமணியில். பச்சை மரங்களின் பின்னணியோடு தெரிகிற இக்காட்சி விவோ சிடி மேல்தளத்திலிருந்து படமாக்கியது.

# 18 மேலும் கீழும்...

***

---

தொடர்புடைய முந்தைய பதிவுகள்:

• என் கேமரா பார்வையில் சிங்கப்பூர் - பயண அனுபவம் (பாகம்-1)

• சின்ன நாடு.. பெரிய பேரு..-சிங்கப்பூர் பயண அனுபவம்(பாகம்-2)-படங்களுடன்

• எல்லோருக்குமானது இவ்வுலகம் - சிங்கப்பூர் பயணம் (பாகம் 3-படங்களுடன்)

---