காற்றின் திசை

1. குமிழ் விட்டுக் கொதிக்கும் நீரில் பிரதிபலிப்பைக் காண முடியாது. கோபம் உண்மையை உணர விடாது. அமைதியில் பிறக்கும் தெளிவு.

2. நமது படகும் நதியில்தான். பிறர் தாழ்வில், தடுமாற்றத்தில் இகழ்ச்சி, மகிழ்ச்சி ஏன்?

3. அதிகம் உழைப்பவருக்கே அடிக்கடி காட்சி தருகின்றன அதிர்ஷ்ட தேவதைகள். அபூர்வமாய்த் தட்டப்படும் கதவைத் திறக்கத் தாமதித்தே தரிசனத்தைக் கோட்டை விடுகின்றனர் சோம்பேறிகள்.

4. குறைத்து மதிப்பிட்டுக் கொள்ள வேண்டாம் மற்றவரோடு ஒப்பிட்டு. வித்தியாசங்கள் நமது தனித்தன்மை மட்டுமல்ல அழகும் கூட.

5. பெரிய கண்டுபிடிப்புகளுக்கான தீப்பொறிகள் பிறந்தது ஆர்வம் எனும் தீப்பொறியிலிருந்தே. தணியாத ஆர்வம் எதையும் சாதிக்கும்.

6. புழைக்கடையில் நதியிருக்கத் தாகத்தால் தவிக்கும் நிலை வருவதில்லை. நமக்குள் இருக்கும் சக்தியை உணர்ந்து கொண்டால் முன்னேறத் தடை எதுவுமில்லை.

7. பிரச்சனை ஒரு பிரச்சனையில்லை. அதை எப்படி எதிர்கொள்கிறோம் என்பதே பிரச்சனை.

8. பழுத்து உதிரும் இலை மீண்டும் சேருவதில்லை விருட்சத்தை. பிறப்பு ஒரு முறையே. வாழ்வோம் அன்பைப் பற்றி.

9. காற்றுக்கு நாம் கட்டளையிட முடியாது. அதற்கேற்பப் படகைச் செலுத்த முடியும்.

10 . கனவுகளைப் பின் தொடருங்கள். வழி அவற்றுக்குத் தெரியும்.

***

[எனக்கான சேமிப்பாகவும் உங்களுடனான பகிர்வாகவும் தொகுப்பது தொடருகிறது, பொருத்தமாக அமைந்த நான் எடுத்த படங்களுடன்..]

தொடர்புடைய முந்தைய பதிவுகள்:
ஒரு நூறு பேரின் ஆர்வம்.. சிறந்த தருணம்..
வாழ்க்கை என்பது எதிரொலி

அறிவின் கருவி 
உறுதி ஊற்றெடுக்கும் காலம்

திறக்கிற மறுகதவு

காரணம் ஆயிரம் 

மகிழ்ச்சி எனும் பரிசு

இருளில் ஒளி

நதியின் ஓட்டம்
வல்லமை தாராயோ..