சுற்றுச்சூழல் காப்போம்! - கைக்கொண்டனஹள்ளி ஏரி, பெங்களூரு (பாகம் 1)

5 ஜுன். உலகச் சுற்றுச் சூழல் தினமாகிய இன்று கைக்கொண்டனஹள்ளி ஏரியில் எடுத்த சில படங்களையும், ஏரியின் சுற்றுச் சூழலைப் பராமரிக்க அவர்கள் வலியுறுத்தும், கடைப்பிடிக்கும் விதிமுறைகளையும் பகிருவது பொருத்தமாக இருக்குமென எண்ணுகிறேன்.

#1

#2

#3

#4

#5 இளங்காலையில்..

#6

#7 மனம் மயக்கும் மஞ்சள் மலர்கள்

#8 சூரியக் குடும்பம்

#9 கட்டிடங்களாகி வரும் கரையோரங்கள்...

#10

சுற்றுச்சூழல் பராமரிப்பில் பெங்களூர்வாசிகள் பொதுவாகவே அக்கறை எடுப்பவர்கள்தாம். இருப்பினும் கூட அல்சூர் ஏரி உட்பட பல ஏரிகளின் சில பாகங்கள் சரியான பராமரிப்பின்றி இருப்பதை முன்னர் பகிர்ந்திருந்தேன். கைக்கொண்டனஹள்ளி ஏரி விதிவிலக்காக இருந்தது. தடை செய்யப்பட்ட நடவடிக்கைகளாக,
உட்புற வேலியைத் தாண்டாதிருப்பது
அனுமதியின்றி மீன் பிடித்தல்
படகுச் சவாரி
சிலைகளைக் கரைப்பது, பூஜைப் பொருட்களைக் கழிப்பது
துணி துவைப்பது
சிறுநீர் கழிப்பது, துப்புவது, குப்பையாக்குவது
பூக்களைப் பறிப்பது
மரங்கள் செடிகளுக்கு பாதிப்பு ஏற்படுத்துவது
சத்தமாகப் பாட்டுக் கேட்பது
சைக்கிள் தவிர்த்த மற்ற வண்டிகளை உள்ளே கொண்டு செல்வது
புகையிலை, மது
பொது நடவடிக்கைகள்
குடும்ப விழாக்கள்
மீன், பறவைகளுக்கு உணவு இடுதல்

இந்த விதிமுறைகள் மக்கள் அக்கறையுடன் பின்பற்றுவதை, ஒருசில தினங்கள் தங்கை வீட்டிலிருந்தபடி தொடர்ந்து அங்கு அதிகாலையில் நடைப்பயிற்சிக்கு சென்ற போது கவனிக்க முடிந்தது. ஏரியின் தூய்மை, ஏராளமான பறவைகள், கரையோர மரங்கள், மலர்கள் எல்லாமே பார்க்கப் பார்க்க இரம்மியம். வேறுசில ஏரிகளைப் போலின்றிப்  படகுச் சவாரி, குடும்ப விழாக்கள், பொதுக் கூட்டங்கள் தடை செய்யப்பட்டிருப்பது அமைதியான சூழலையும் ஏற்படுத்தியிருக்கிறது. மேலும் படங்களுடன் ஏரியைக் குறித்து விரிவான விவரங்களைப் பாகம் இரண்டில் பார்க்கலாம்.

சுற்றுச் சூழல் காப்போம்!

***

தொடர்புடைய முந்தைய பதிவுகள்:

1. முப்பாட்டன் சொத்தா பூமி? - ஹல்சூரு ஏரி, பெங்களூரு

2.. ‘சூழல் மாசடைதல்’ ( Pollution - June PiT ) - ‘பெங்களூரு’ ஐடி நகரத்தின் இன்னொரு பக்கம் 

3. லும்பினி கார்டன்ஸ் - நாகவரா ஏரி, பெங்களூரு

4. இரவோடு இரவாக.. பெங்களூரு கோரமங்களாவில்..

5. புவியின் பொக்கிஷங்கள்.. மரங்கள்!

6. பெங்களூர் ஹெப்பால் ஏரிக்கரை பூங்காவில்.. கொன்றையும் குல்மொஹரும்..

7. ‘விரியும் எல்லைகளால் பெங்களூர் பெற்றதும் இழந்ததும்...’ - வடக்குவாசல் கட்டுரை

***