ராகு, கேது பெயர்ச்சி - ராஜகோபுர தரிசனம் - திருநாகேஸ்வரம், கீழப்பெரும்பள்ளம்

ராகு-கேது பெயர்ச்சி:

இன்று காலை இந்நேரமான 11 மணியளவில் ராகு பகவான் துலா ராசியிலிருந்து கன்னி ராசிக்குள்ளும், கேது பகவான் மேஷ ராசியிலிருந்து மீன ராசிக்குள்ளும் நுழைகின்றனர். ராகு ஸ்தலமான கும்பகோணம் அருகேயுள்ள திருநாகேஸ்வரத்திலும், கேது பரிகாரத் தலமான கீழப்பெரும்பள்ளத்திலும் இன்று சிறப்புப் பூஜைகள் நடைபெற்று வருகின்றன. இருவாரங்களுக்கு முன் ஒருநாள் இரு ஸ்தலங்களுக்கும் சென்றிருந்த போது எடுத்த படங்களில் பதினாறை இன்று பகிருவது பொருத்தமாக இருக்குமென எண்ணுகிறேன்.

 #1 திருநாகேசுவரம் நாகநாதசுவாமி கோயில்:

கும்பகோணத்திலிருந்து 8 கி.மீட்டர் தூரத்தில் அமைந்துள்ளது. சிவ ஸ்தலமான இக்கோவிலின் மூலவர் நாகநாதசுவாமி. கிரி குஜாம்பிகா எனும் பெயரில் வீற்றிருக்கிறார் பார்வதி. அம்மன் சன்னதியில் பார்வதியின் இருபக்கங்களிலுமாக லட்சுமியும் சரஸ்வதியும் வீற்றிருந்து அருள் பாலிக்கிறார்கள். முப்பெரும் தேவியர் ஒரே சன்னதியில் காட்சி தருவது இங்குதான் என்றார்கள். கோவிலின் இரண்டாவது பிரகாரத்தில் தென்மேற்கு மூலையில் நாகவல்லி, நாக்கன்னி ஆகியோருடன்  மங்கள ராகுவாகக் காட்சி அளிக்கின்றார் ராகு பகவான். மனித முகத்தோடு காட்சி தருவது இங்கு மட்டுமே என்றும் சொல்கிறார்கள்.

கோவிலுக்குள் செல்லும் முன்னரே கிடைத்தது உற்சவ மூர்த்திகளின் தரிசனமும் கொடியேற்றமும்.

#2 கொடியேற்றத்துக்கான ஆயத்தங்கள்:

#3 உற்சவ மூர்த்திகள்

#4

#5 கொடியேற்றம் காணக் காத்திருக்கும் பக்தர்கள்:

 

#6  கிழக்குக் கோபுரமும் கொடிமரமும்:

#7

புஷ்கரணி:
#8

#9 தெற்குக் கோபுரத்துடன்..

#10

இரு கோவில்களிலும் சிறப்பான தரிசனம் கிடைத்தது. ராஜ கோபுர தரிசனம் உங்களுக்கு:

#11 ராஜ கோபுரம்

#12 கோவில் மதில்

#13 கீழப்பெரும்பள்ளம் நாகநாதர் கோயில்: 
நாகை மாவட்டம், பூம்புகார் அருகே உள்ள கீழப்பெரும்பள்ளத்தில் அமைந்துள்ளது ஸ்ரீ நாகநாத சுவாமி திருக் கோயில். கிழக்கு நோக்கி அமைந்துள்ள ஆலயம் ஒரு சுற்றையும், சுற்றி வரும்போது சன்னதிக்குப் பின்புறமாக ஒரு கோபுரத்தையும் கொண்டுள்ளது. பிரகாரத்தின் மேற்கு மூலையில் விநாயகர் சந்நதியும், பிரகார நடுப் பகுதியில் சுப்பிரமணியரும் உள்ளனர். அடுத்து, துர்க்கையும், லக்ஷ்மி சமேத நாரயணரும், அதன் பின்னர் கஜ லஷ்மியும், சண்டிகேஸ்வரரும் வீற்றிருக்கின்றனர்.  அடுத்ததாக கேது பகவானுக்கும், சனி பகவானுக்கும் தனித்தனி சன்னதிகள் உள்ளன. 

 #14 கோவிலுக்கு எதிரே:

 #15 நம்பிக்கை நிறைந்த பிரார்த்தனைகள். அத்தனையும் நிறைவேறட்டும்

#16 முதல் படத்தில் தெரியும் புதுமணத் தம்பதியர்:

 வளமுடன் வாழ நம் வாழ்த்துகள்!

***