குழந்தைத்தனம்தான், ஆயினும் மிக இயல்பானதே - சாமுவேல் டெய்லர் கொலரிட்ஜ் (1)

இரு சிறிய சிறகுகள் எனக்கிருந்தால்
ஒரு புசுபுசுப் பறவையாக நானிருந்தால்
பறந்து உன்னிடம் வந்திடுவேன், என் அன்பே!
தெரிகிறது, இது போன்ற வீணான சிந்தனைகளால்
எந்தப் பிரயோசனமும் இல்லை
நான் இங்கேயேதான் இருக்கப் போகிறேன்.

ஆனால் என் தூக்கத்தில்
உன்னிடம்தான் பறந்து வருகின்றேன்
உன்னுடனேயேதான் எந்நேரமும் இருக்கின்றேன்
அந்தக் கனவு உலகம் நமக்கே நமக்கானது,
என்றாலும்
மீண்டும் விழிக்கும்போது எங்கே இருக்கின்றேன்?
தனியே.. தன்னந்தனியே.

பேரரசேக் கட்டளையிட்டாலும் தூக்கம் தொடராது:
ஆகவே பொழுது புலரும் முன் எழுந்திட விருப்பம்:
என் தூக்கம் கலைந்து விட்டாலும் கூட,
இருள் சூழும் நேரத்தில், இமைகள் மூடும் தருணத்தில்,
என் கனவுகள் தொடர்கின்றன.
***

மூலம் ஆங்கிலத்தில்:
Something childish, but very natural (1799).
By
Samuel Taylor Coleridge

படம் நன்றி: இணையம்

1 டிசம்பர் 2012,  அதீதம் இதழுக்காக மொழியாக்கம் செய்த கவிதை.