எத்தனைப் பரந்தவானை
இதயத்துள் நிரப்பி விடுகின்றன!
ஆயிரம் நட்சத்திரக் கண்களால்
வானமும் பூமியை
அளந்து கொண்டுதானே இருக்கும்?
நினைவு தெரிந்த நாளிலிருந்து
நான் பார்க்கும் வானில்
வித்தியாசங்கள் அதிகமில்லை.
பிரபஞ்சம் தோன்றிய நொடியிலிருந்து
வான் பார்க்கும் பூமியில்
எவ்வளவு வித்தியாசங்கள்?
அந்தியிலும் அதிகாலையிலும்
வர்ணத் தீட்டல்களின்
சாயங்கள் கூடிக் குறைந்தாலும்
மழையாய் அழுது
வெயிலாய் சினந்தாலும்
சூரிய சந்திரர்
முகில்கள் சூழப் பவனி வரும்
இரவு பகல்களுடன்
தார்மீகப் பொறுப்புகளினின்று
தடம் புரளாமல்
ஓர் குடையாய் விரிந்து
உலகை இரட்சித்திருக்கிற வானத்துள்..
எப்படிப் பதிவாகியிருக்கும்
மானுடரால்
மாபெரும் மாற்றங்களுக்கு
உள்ளாகித் தகிக்கிற
ஆதிகாலந்தொட்டு
இன்றையநாள் வரையிலான
பூமி?
இயற்கையிடத்து நன்றியின்மை
சகஉயிரிடத்து நேயமின்மை
அறிவியல் புரட்சியில்
அன்பைத் தொலைத்தமை என
முடிவற்று நீண்ட விடைகளின்
திரளோட்டத்தில் மிதியுற்று
உருத் தெரியாமல் போனது..
ஒரு நட்சத்திரமாகி வானிலிருந்து
உலகைப் பார்க்கிற எனது ஆசை.
***
‘கல்யாண் நினைவு’ உலகளாவியக் கவிதைப் போட்டியில் சிறப்பு ஆறுதல் பரிசு பெற்றக் கவிதை.
நன்றி ரியாத் தமிழ் சங்கம்! நடுவர்கள் அபுல் கலாம் ஆசாத், ராஜ சுந்தர ராஜன், பா. ராஜாராம் ஆகியோருக்கும் நன்றி.
***
கவிதை அருமை ராமலெக்ஷ்மி..!.. நட்சத்திரமாகிப் பார்க்கின்ற ஆசை.. அற்புதம்..!
பதிலளிநீக்குபரிசு பெற்றமைக்கு வாழ்த்துக்கள்.:)
நட்சத்திரமாகி பூமியைப் ரசித்துப் படித்த கவிதை
பதிலளிநீக்குமனம் கவர்ந்தது,பரிசு பெற்றமைக்கும் பகிர்வுக்கும்
மனமார்ந்த நல்வாழ்த்துக்கள்
பரிசுக்கு வாழ்த்துகள்.
பதிலளிநீக்குவித்தியாசமான சிந்தனையில் கவிதை பாராட்டுகள்.
நல்ல சிந்தனை, நல்ல கவிதை. அருமையாயிருக்கிறது. படித்துக் கொண்டே வரும்போது மழை தன்னுடைய தார்மீகக் கடமையிலிருந்து கொஞ்சநாளாய்த் தவறியிருக்கிறது என்று தோன்றினாலும் அது மழையின் குற்றமில்லை, மனிதனின் குற்றம் என்றும் தோன்றியது!
பதிலளிநீக்குவரிகள் அருமை... பரிசு பெற்றதற்கும் வாழ்த்துக்கள்...
பதிலளிநீக்குவித்தியாசமான கோணத்தில் யோசித்து அருமையான கவிதையைத் தந்திருக்கீங்க! பரிசுபெற்றமைக்கு என் இதயம் நிறைந்த நல்வாழ்த்துக்கள்!
பதிலளிநீக்குவானம் ப்டமும், கவிதையும் மிக நன்றாக இருக்கிறது.
பதிலளிநீக்குமனித மனம் மாறும் போது இயற்கை வழங்கும் என்று வலியுறுத்தும் கவிதை அருமை.
உலகளாவிய கவிதைப்போட்டியில் பரிசு பெற்றமைக்கு வாழ்த்துக்கள் ராமலக்ஷ்மி.
அழகான கவிதைக்கு பரிசு பெற்றமைக்கு வாழ்த்துகளும் பாராட்டுக்களும் அக்கா..
பதிலளிநீக்குமுதல் பேரா ஜோர். அடுத்த பேரா அதைவிட.
பதிலளிநீக்குபாராட்டுக்கள்.
விரிந்த வானத்தில் சரிந்த ஆசைகள். நல்ல கவிதை. மீண்டும் ஒரு முறை வாழ்த்துக்கள். நிறைய விருதுகள் கிட்டட்டும்.
பதிலளிநீக்குசிறப்பான கவிதை. பரிசு பெற்றமைக்கு வாழ்த்துகள் ராமலக்ஷ்மி.
பதிலளிநீக்கு@Thenammai Lakshmanan,
பதிலளிநீக்குநன்றி தேனம்மை.
@Ramani S,
பதிலளிநீக்குநன்றி ரமணி sir.
@மாதேவி,
பதிலளிநீக்குநன்றி மாதேவி.
@ஸ்ரீராம்.,
பதிலளிநீக்குஉண்மைதான். நன்றி ஸ்ரீராம்.
@திண்டுக்கல் தனபாலன்,
பதிலளிநீக்குநன்றி தனபாலன்.
@கோமதி அரசு,
பதிலளிநீக்குமிக்க நன்றி கோமதிம்மா.
@S.Menaga,
பதிலளிநீக்குநன்றி மேனகா.
@அப்பாதுரை,
பதிலளிநீக்குமிக்க நன்றி.
@குமரி எஸ். நீலகண்டன்,
பதிலளிநீக்குநன்றி நீலகண்டன்.
@வெங்கட் நாகராஜ்,
பதிலளிநீக்குநன்றி வெங்கட்.
வானத்துக்கே வர்ணம் பூசும்கவிதை அருமை.வெற்றிபெற்றமைக்கு வாழ்த்துக்கள்
பதிலளிநீக்கு@கவியாழி கண்ணதாசன்,
பதிலளிநீக்குமிக்க நன்றி.