பால் நிலா

மொட்டுஅதுத் தானாகக்
கட்டவிழும் முன்னே
பட்டுடுத்தி அலங்கரித்துப்
பாதந்தனைப் பற்றியெடுத்து
அம்மிமேல் வைத்தழுத்தி
அருந்ததியைப் பார்க்கவைத்து
கட்டிவைக்கிறார் அவசரமாய்
கடமையை முடித்திட..!

ஈரைந்து திங்களிலே
ஆடுகிறது தொட்டில்.
தொலைத்திட்ட அவள்
பருவம்போலத் துலங்குகின்ற
பால் நிலவை-
அழைக்கின்றாள் தேன்குரலில்
அழகாகத் தன்தாலாட்டில்
குழந்தைக்கு அமுதூட்டத்
துள்ளியோடி வருமாறு..!

***

• படம்: இணையத்திலிருந்து

• யூத்ஃபுல் விகடனில் எனது இருபத்தைந்தாவது படைப்பாக 12 ஜூலை 2009 வெளிவந்துள்ள கவிதை:

• 7 பிப்ரவரி 2010 திண்ணை இணைய இதழிலும்..
• 25 பிப்ரவரி 2010 வார்ப்பு கவிதை வாராந்திரியிலும்..
• 27 ஜூலை 2010 வல்லமை மின்னிதழிலும்..