வழிபாட்டுத் தலங்கள்- ஜூலை PiT போட்டிக்கு..

இம்மாதப் போட்டித் தலைப்பு: வழிபாட்டுத் தலங்கள். “கோவில்,சர்ச்,மசூதி,சிலை,கோபுரம்,கலசம்,தூண்,பக்தி,இப்படி எது வேண்டுமானாலும் படம் எடுத்து அனுப்புங்க...” என்கிறார்கள். ஆனால் எத்தனை வேண்டுமானாலும் என சொல்ல மாட்டேன்கிறார்களே:)! ஆகையாலே உங்கள் பார்வைக்கு அத்தனை தலங்களும் பதிவிலே..! இவற்றிலிருந்து போட்டிக்கும் போகும் ஒன்றே ஒன்று.

இதுவரையிலும் மீள் பதிவுகள் இட்டதில்லை. ஆனால் போட்டியின் தலைப்புக்கேற்ப என்ற ரீதியில் 'சில நேரங்களில் சில படங்கள்' மீள் காட்சிகளாக அமைந்து போவதைத் தவிர்க்க முடியவில்லை. பொறுத்தருள்க:)!

படங்கள் கணினித் திரையை விட்டு விலகித் தெரிந்தால் Ctrl மற்றும் minus பொத்தான்களை ஒருசேர அழுத்தி, சரியான அளவுக்குக் கொண்டுவரக் கேட்டுக் கொள்கிறேன்.

---

அப்பனே சண்முகா

1. மின்னும் கலசங்களுடன் கோபுரம் திருச்செந்தூரில்..

**

2. கடல் பார்த்து நீண்ட பிரகாரம்

**

3. அதன்வழி..

நாழிக்கிணறு நாடி நடைபோடும் பக்தர் கூட்டம்

**

5. கனகவேல் காக்க

வேலுண்டு வினையில்லை

சொல்லுகிறார் சூரியனாரும்..

***

---

6. கூடலழகர் திருக்கோபுரம்

மதுரை மாநகரத்தினுள்..

***

---

7. கற்பகவிநாயகர்

பிள்ளையார் பட்டியில்..

***

---

8. மதுரை மீனாஷி சுந்தரேஷ்வரர்

**

9. தரணி போற்றும் தங்கத் தாமரைக் குளம்

**

10. குளம் நடுவே பளபளக்கும் பொற்கமலம்

கீழ் இதழ்களில் நிழல்நாடி அமர்ந்திருக்கும் குருவிகள் உணர்த்திடும்

கமலத்தின் பிரமாண்டத்தையும்

தனைநாடி வரும் பக்தருக்கு அம்மன் வழங்கும் பேரருளையும்..

***

---

11. கோமதீஷ்வரர்

சரவணபெலகுலாவில்..

***

---

12. ஹொய்சாலேஷ்வரர்

ஹலேபீடுவில்..

***

---

13. கோடிலிங்கேஷ்வரர்

கோலார் மாவட்டத்தின் கம்மசந்திராவில்..

***

---

14. ஓம்காரேஷ்வரர்

இஸ்லாமியக் கட்டிடக்கலையைத் தன்னுள் வாங்கி..

கூர்க், மடிக்கேரியில்..

***

---

15. திபெத்திய தங்கக் கோவில்

மைசூர் அருகே, பைலக்குப்பே ஊரின் குஷால்நகரில்..

***

16. புத்தம் சரணம்

தன்னை உணர, ஞானம் பெற, தியானமே வழியென உலகுக்குச் சொன்ன மகானுடன் அவரது கொள்கைகளை உலகுக்குப் பரப்பியவர்களும் தெய்வமாய் வீற்றிருக்கும் மாபெரும் தியான மண்டபம். [வலது கீழ் மூலையில் உற்று நோக்கினால் புலனாகும் மனிதரின் பார்வையில் சிலைகளின் உயரம். அந்த உயரமே விளக்கிடும் தியானத்தின் மேன்மையையும்.]

***

---

17. கடற்கரைக் கோவில்

மாமல்லபுரத்தில்..

***

---

18. "குன்றிருக்கும் இடமெல்லாம் குமரன் இருப்பான்"

அவ்வையார் சொன்னது..

[இங்குதான் ‘படையப்பா’ படப்பிடிப்பு நடந்ததாம். மக்கள் சொன்னது:)!]

கர்நாடகத்தின் மேலூரில்..

***

19. " நானுமிருப்பேன் குன்றின் மேலே.."

மலைக்கோட்டை பிள்ளையார் திருச்சியில்..

---

20. நீ இல்லாத இடமே இல்லை

பேரொளியாய்..

***

---

21. ஒன்றே கடவுள் ஒருவனே தேவன்

‘கடமையைச் செய் பலனை எதிர்பாராதே’- கீதை சொல்வதும்;‘கேளுங்கள் கொடுக்கப்படும்’ - பைபிள் சொல்வதும்; ‘ஒவ்வொரு தானிய மணியிலும் அதை உண்ணப் போகிறவரின் பெயர் பொறிக்கப்பட்டிருக்கிறது’ போன்றதான நம்பிக்கைகளும் யோசித்துப் பார்த்தால் ஒன்றேதான் என்பது புலனாகும்.

வழிபடும் தெய்வத்தின் பெயர்களும் உருவங்களும், தலங்களும், நாம் பின்பற்றும் முறைகளும் மார்க்கங்களும் வேறு வேறாயிருப்பது அவரவருக்கு நெருக்கமாய் உணர்ந்து அமைதியைத் தேடவே அன்றி அவன் பெயரால் மட்டுமின்றி எதன் பெயராலும் சக மனிதரை சங்கடங்களுக்கு உள்ளாக்க அன்று. மனிதத்துள் வாழ்கிறது தெய்வம்.

---

தங்கள் மேலான கருத்துக்காக இம்மாதப் போட்டிப் படங்களின் அணிவகுப்பு இங்கே.

அதில் இடம்பெற கலசம் மின்னும் திருச்செந்தூர் கோபுரம் (அ) மீனாஷி சுந்தரேஷ்வர் கோபுரத்தை அனுப்ப எண்ணியுள்ளேன். உங்களைக் குறிப்பாக ஈர்த்த படம் (அ) படங்கள் இருப்பின் சொல்லிச் செல்லுங்களேன். எனக்கான பரிசாகக் கொள்வேன்:)!

---

14 ஜூலை 2010, யூத்ஃபுல் விகடன் பரிந்துரையில் இந்தப் பதிவு:
நன்றி விகடன்!