பூவின் மொழி நிறமா.. மணமா..? - ( Bangalore Lalbagh Flower Show )

மீண்டும் மீண்டும் பூக்களா?

மீண்டு வர முடியாதபடி இயற்கை விரித்த வலையில் மாட்டிக் கொண்டதில்
வருத்தமில்லை. மகிழ்ச்சிதான்.

இங்கே பத்தாவது படத்தில் வைத்த கேள்விக்கு சாட்சியாக முதல் ஒன்பது படங்கள்.

கூடவே பெங்களூர் லால்பாக் சுதந்திரதினக் கண்காட்சி 2013 குறித்த தகவல்கள்..

#1 Canna Flower

பின் வரும் மூன்றும்.. PINK ALAMANDA

#2 மலரக் காத்திருக்கும் மொட்டுக்கள்

 #3 ஸ்பீக்கர்

#4  பூ முகத்தைத் திருப்பிக் கொண்டிருப்பது, ஆனையின் முறக் காது போலில்லை?

#5 மலரும் துளிரும்

#6 சிரசாசனம்

#7 ரோஜாப் பூந்தோட்டம்

# 8 சூரியனின் பிரகாசம்

# 9 Cosmos

#10 பூவின் மொழி...

நிறமா.. மணமா..?

அத்தனை எளிதாக விடை சொல்லிவிட முடியாத இக்கேள்வியைச் சுமந்தபடியேதான் வெளியேறுகிறேன் ஒவ்வொரு முறையும் பூந்தோட்டங்களிலிருந்தும், மலர்க் கண்காட்சிகளிலிருந்தும். இதோ மீண்டும் குழப்பத்தைத் தர வரவேற்கிறது என்னை, இன்று முதல் ஆரம்பமாகி 15 ஆகஸ்ட் வரை நடைபெறவிருக்கும் லால்பாக் சுதந்திரதின மலர்க்கண்காட்சி.

அனுமதிச் சீட்டு எல்லா நுழைவாயில்களிலும் கிடைக்கும். கட்டணம் பெரியவர்களுக்கு ரூ.40. சிறுவர்களுக்கு ரூ.10.

9,10,11 மற்றும் 15 தேதிகளில் பெரியவர்களுக்கான கட்டணம் ரூ.50. விடுமுறை நாட்களான இத்தினங்களைத் தவிர்த்தல் நலம்.

கண்காட்சி நேரம் காலை 9 மணி முதல் மாலை 6 மணி வரை.

வாகனங்கள் உள்ளே நுழைய அனுமதி இல்லை.

சென்ற முறை போலவே, டபுள் ரோட் நுழைவாயில் உள்ளிருக்கும் வழக்கமான வாகன நிறுத்தத்தில் கண்காட்சி சமயத்தில் வண்டிகள் நிறுத்த அனுமதி இல்லை. பள்ளி பேருந்துகள் மட்டுமே நிறுத்திக் கொள்ளலாம். எனவே, அந்தப் பக்கத்திலிருந்து வருகின்றவர்கள் Dr. MH மாரிகெளடா மெம்மோரியல் ஹாலில் நிறுத்தலாம். சாந்தி நகர் பஸ் நிலையத்திலும், ஜே சி ரோட் பக்கமிருந்து வருகிறவர்கள் அதன் ஒரு திருப்பத்தில் இருக்கும் மயூரா உணவகம் அருகேயுள்ள BBMP பஸ் நிலையத்திலும் வாகனங்களை நிறுத்திடலாம்.

***