வாழும் கலை

சென்ற வாரம் என் ஃப்ளிக்கர் பக்கத்தில் பகிர்ந்த படங்களின் தொகுப்பு:

#1

“சூரியன் கூடத் தனியேதான் இருக்கிறது. 
ஆனாலும் பிரகாசமாகவே இருக்கிறது.”

#2
“நீண்ட தொலைவுக்கு உங்கள் பார்வை செல்ல வேண்டாம்,  ஏனெனில் உங்களால் எதையுமே பார்க்க முடியாது போகும்.”

#3

“ஐந்தே நிமிடக் கருத்துப் பரிமாற்றம் ஓர் ஆண்டுக்கு மேலாக இழுத்தடிக்க வல்ல மனஸ்தாபத்தையும் குழப்பத்தையும் தவிர்க்க உதவும்.”

_Joyce Meyer 

#4

"வாழும் கலையானது விட வேண்டியதை விட்டு, பற்றிக் கொள்ள வேண்டியதைப் பற்றிக் கொள்ளும் அழகிய கலவையில் அடங்கியிருக்கிறது."

_ Havelock Ellis

#5

‘நாய்கள் பேசும், புரிந்து கொள்ளக் கூடியவர்களிடம் மட்டும்.’

_Orhan Pamuk

#6

“தனிமைக்கென்று ஒரு சக்தி உள்ளது. 

வெகு சிலராலேயே அதைக் கையாள முடியும்.”

— StevenAitchison

#7

"எல்லோரையும் போலவே இருக்க உங்களைத் தயார் செய்யும் உலகில், நீங்கள் நீங்களாக இருத்தலே வாழ்க்கையின் மிகப் பெரிய சவால் ஆகும்."

- Drake

#8
‘அடைய விரும்பும் அனைத்தும் அச்சத்துக்கு அப்பால் உள்ளன.’

#9

'வாழ்க்கையின் போக்கில் போகிறவர்களுக்குத் தெரியும், வேறெந்த உந்து சக்தியும் தேவையில்லை என்பது '

_Lao Tzu

#10
‘வாழ்க்கையைப் பார்த்துப் புன்னகை புரி. அது உன்னை நோக்கி திரும்பப் புன்னகைக்கும்.’

#11
'இந்த வாழ்க்கை உனக்குக் கொடுக்கப்பட்டிருப்பதன் காரணம், அதை வாழ்வதற்கான பலம் உனக்கு இருக்கிறது என்பதனாலேயே!’

(எனக்கான சேமிப்பாகவும் உங்களுடனான பகிர்வாகவும் தொகுப்பது தொடரும்..)
***