தோல்விகளும் தேவை.. - மாயா ஏஞ்சலோ வரிகள்

#1

“உங்களது கண்களால் என்னை வெட்டலாம்.  

உங்களது வெறுப்பால் என்னைக் கொல்லலாம். 

ஆனால் அப்போதும் காற்றைப் போல் 

மேலெழுந்து வருவேன் நான்.”

#2

“நிலவுகளைப் போல் சூரியன்களைப் போல்.., 

பொங்கும் கடலின் நிச்சயத்தன்மையுடன்.., 

ஊற்றெடுக்கும் நம்பிக்கையுடன்.., 

மேலெழுந்து வருவேன் நான்.” 

#3
“பல தோல்விகளை நீங்கள் சந்திக்கலாம், ஆனால் ஒருபோதும் நீங்கள் தோற்று விடக் கூடாது. ஒரு வகையில் தோல்விகள் நமக்குத் தேவையும் கூட, அப்போதுதான்.. ..
உங்களை யார் என நீங்கள் அறிவீர்கள், எதிலிருந்து எழுந்து வர முடியும் என உணருவீர்கள், எப்படி அதிலிருந்து வெளிவருவதெனத் தெரிந்து கொள்வீர்கள்”

#4

"என் வாழ்வின் குறிக்கோள் வெறுமனே பிழைத்திருத்தல் மட்டுமல்ல, முன்னேறுவது. எதையும் சற்றே ஆர்வத்துடன், சற்றே பரிவுடன், சற்றே நகைச்சுவை உணர்வுடன், குறுப்பிட்ட பாணியில் செய்வது."

#5

“சொல்ல முடியாத கதையை உங்களுள் சுமப்பதை விடவும் தாங்கொண்ணாத் துயர் வேறெதுவுமில்லை.”

#6

"மனிதர்கள் மறந்து விடுவார்கள் நீங்கள் என்ன சொன்னீர்கள் என்பதை, மனிதர்கள் மறந்து விடுவார்கள் நீங்கள் என்ன செய்தீர்கள் என்பதை, ஆனால் மனிதர்கள் மறக்கவே மாட்டார்கள் நீங்கள் எப்படி அவர்களை உணரச் செய்தீர்கள் என்பதை."

#7

"விவேகமான பெண் எவருக்கும் எதிரியாகிட விரும்ப மாட்டாள்; அதே நேரம் எவருக்கும் இரையாக மறுத்து விடுவாள்."
_ மாயா ஏஞ்சலோ 

***

சிற்பங்கள்: கிருஷ்ணராஜ புரம் ஏரிப் பூங்கா, பெங்களூர்.

[ஃப்ளிக்கர் தளத்தில் படங்களுடன் பதிந்த  பொன்மொழிகளின் தமிழாக்கம், எனக்கான சேமிப்பாகவும், உங்களுடனான பகிர்வாகவும்..]