புலி வருது.. புலி வருது..

நான் எடுத்த படங்கள் ஏழு, புலி பற்றிய சிறு குறிப்புகளுடன்...

#1

புலி, ‘பாந்தெரா தீகிரிஸ்’ (Panthera tigris) எனும் பூனையினத்தைச் சேர்ந்தது. பாந்தெரா இனத்தின் நான்கு "பெரிய பூனையினங்களில்" இதுவே மிகப் பெரியது.

பூர்வீகம் பெரும்பாலும், கிழக்கு மற்றும் தெற்கு ஆசியா.

இந்தியா, பாக்கிஸ்த்தான், வங்காளதேசம், நேபாளம், பூட்டான், மியன்மர் பகுதிகளில் காணப்படுபவை வங்காளப் புலி அல்லது இராயல் பெங்கால் புலி (Panthera tigris tigris).

#2

உலகின் கண்ணைக் கவரும் பெரிய விலங்குகளில் மிகப் பிரபலமானவை.

பழம் புராணங்களிலும் நாட்டுப்புற இலக்கியங்களிலும் முக்கிய இடம்பெற்றுள்ளன.
தற்காலத் திரைப்படங்கள் மற்றும் இலக்கியங்களிலும் தொடர்ந்து இடம்பெற்று வருகின்றன.

விளையாட்டு அணிகளுக்குச் சின்னங்களாகவும் பல ஆசிய நாடுகளின் தேசிய விலங்காகவும் உள்ளது.

#3

நாலரை முதல் ஒன்பதரை அடிகள் வரை நீளமும் 300 கிலோகிராம் வரை எடையும் கொண்டவை.

நன்றாக நீந்த வல்லன.

#4

 உடலில் உள்ள வெள்ளை, ஆரஞ்சு வண்ணங்களும், கருப்பு நிறப் பட்டைப் பட்டையான வரிகளும், வெளிர் நிற அடிப்பகுதியும் நினைவுகூறத்தக்க முக்கிய சிறப்பம்சங்களாகும்.

#5

புலிகளின் இயற்கையான வாழிடங்களை அழிக்கப்படுவது, சட்டத்திற்குப் புறம்பாக வேட்டையாடுவது ஆகியன இவற்றின் எண்ணிக்கையை குறைத்து வருகின்றன.

அவற்றின் உடலில் இருந்து பல கிழக்கு ஆசிய நாடுகளில் மருந்துகள் செய்யப்படுவதால், புலிகளின் தோல் தவிர அவற்றின் உடல்பாகங்களுக்காகவும் அவை வேட்டையாடப் படுகின்றன.

மக்கள் வாழும் ஊர்களுக்குள் நுழைந்து அவர்களின் வளர்ப்பு விலங்குகளைக் கொல்வதால் அவை ஊர் மக்களாலும் சிலநேரம் கொல்லப்படுகின்றன.

#6.

பொதுவாக இரவிலேயே வேட்டையாடுகின்றன.

வேட்டையாடியதும் இரையை பாதுகாப்பான இடத்திற்கு எடுத்துச் சென்று உண்கின்றன.

ஒரே நேரத்தில் 20 கிலோ வரை உணவு உட்கொள்ள முடியும்.

#7

இந்தியாவில் புலிகளைக் காக்க கொண்டுவரப்பட்ட பிராஜக்ட் டைகர் (Project Tiger) திட்டத்தினால் புலிகளின் எண்ணிக்கை ஓரளவு உயர்ந்துள்ளது.

***

தகவல்கள்: இணையத்திலிருந்து..